Zvicerani ka mundur në katër sete numrin një të botës në tenis, Novak Xhokoviç, i cili që pas eliminimit në Lojërat Olimpike “Rio de Zhaneiro 2016” nuk është duke kaluar një moment të mirë. Stan Vavrinka është në mënyrë surprizë “mbreti” i ri i Nju Jorkut.

Zvicerani, në finalen e tij të parë në “çimenton” e Fleshing Midous, vë në shënjestër dhe arrin të mundë favoritin më të madh të këtij turneu, serbin Novak Xhokoviç, i cili është jo vetëm numri një i botës, por dhe fituesi në fuqi i këtij turneu vitin e kaluar.

Vavrinka, kokë serie dhe numri tre i renditjes botërore të tenisit, bie në setin e parë, teksa kryesonte në “taj-brek” 7-1 dhe më pas kthehej gjithçka e fitonte Xhokoviç 7-6. Por më pas, mes një mrekullie të madhe, ka bërë të tijët tre sete radhazi 6-4, 7-5, 6-3.

Dhe në këtë mënyrë e ka mbyllur finalen e Nju Jorkut në favorin e vet në “topin e dytë të lojës” pas gati katër orësh në një ndeshje të madhe tenisi. Për Vavrinkën bëhet fjalë për triumfin e tretë në një turne të madh të tenisit botëror.

Më parë kishte fituar “Australian Open” në Melburn më 2014-ën dhe “Roland Garro” në Paris më 2015-ën. Që do të thotë një tenist që po vjen me shpejtësi për të kapur majat e renditjes botërore.