ASNN – Rafael Nadal prish përrallën “Cicipas”, mposht grekun dhe kalon në finale të “Australia Open”. Tenisti spanjoll, Rafael Nadal, tregoi dhe një herë pse është nga më të mirët në historinë e këtij sporti. Nëse greku 20-vjeçar Stefanos Cicipas kishte qenë ëndrra më e bukur e Turneut të Hapur të Australisë (Australia Open), i cili befasoi që në fillim duke eliminuar numrin një në botë, Rozher Federerin, në gjysmëfinalen e së enjtes me spanjollin kjo ëndërr u prish dhe përralla mbaroi.
Greku Cicipas eliminohet dhe Rafael Nadal kalon në finale e madhe të Australia Open”, veprimtaria e parë “Grend Slem” për këtë vit. Nuk pati shumë histori në këtë ndeshje, pasi 32-vjeçari spanjoll, me eksperiencë të madhe tashmë nëpër turne dhe duele të tilla, ia doli të imponohet, duke detyruar Cicipasin t’i shkojë sipas ritmit. Tenisti spanjoll fitoi setin e parë me shifrat 6-2, ndërsa setin e dytë 6-4. Akoma më bindës ishte Nadali në setin e tretë, duke mos i lënë asgjë rastësisë.
Por edhe asgjë për tenistin helen Cicipas, të cilin e mundi 6-0 dhe e fitoi krejt ndeshjen me shifrat 3-0. Një finale e merituar për Nadalin, i cili arrin për herë të 5-të në finalen e “Australia Open”. Greku 20-vjeçar eliminohet, por me kokën lart, pasi ai kaloi dy ture shumë të vështira me zviceranin Federer dhe argjentinasin Bautista, para se të përballej dhe të humbiste me Nadalin. Ky i fundit pret tashmë i qetë të mësojë finalistin tjetër, i cili do të diskutohet midis serbit Novak Gjokoviç dhe francezit Lukas Puilë.
Aty ku padyshim favorit kryesor është tenisti serb. Ka shumë gjasë që në këtë finale të Australia Open të kemi një duel historik Nadal-Gjokoviç, një finale e denjë për emrat e mëdhenj dhe për një “Grend Slem” nga më të njohurit.
