ASNN – Dominik Tim, Aleksandër Zverev dhe Grigor Dimitrovijanë bashkuar me numrin një të renditjes botërore, Novak Gjokoviç, për të shprehur pakënaqësinë e tyre për të luajtur në Turneun e Hapur Amerikan “US Open” në kushtet e tanishme, teksa epidemia e virusit korona është akoma aktive. “Të gjitha këto rrethana janë mjaft të vështira”, – tha Timi, numri 3 në botë. “Unë mendoj se disa prej tyre duhet të ndryshojnë që të shkojmë atje”, – shtoi 26-vjeçari austriak. Edhe numri 7 në botë, gjermani Zverev, iu bashkua kësaj nisme.
“Do të jetë bukur nëse do të na jepet mundësia për të luajtur, por në këto rrethana unë mendoj se shumë lojtarë nuk do të ndjehen të qetë në mjedisin atje”, – tha ai. – Ky është mendimi im. Por nuk u takon lojtarëve të vendosin. Janë organizatorët e turneut “US Open” ata që duhet të vendosin.” Ashtu si Gjokoviçi më herët, edhe Zverevi përmendi karantinën e detyrueshme 14-ditore për lojtarët që vijnë në SHBA., strehimin në hotelet e aeroportit afër turneut dhe të mos lejohen të shoqërohen nga më shumë se një anëtar i ekipit.
Timi theksoi se një turne madhor, “Grend Slem” kërkon përgatitje të madhe fizike, ndaj “secili prej nesh duhet të zgjedhë trajnerin ose fizioterapistin, se cilin prej tyre të marrë me vete”. “Askush nuk e di nëse gjërat do të përmirësohen apo jo, kështu që ne na duhet të presim derisa të vendosin të tjerët”, – tha Timi kur u pyet nëse do të marrë pjesë në turne. “US Open” është programuar të fillojë më 31 gusht 2020. Edhe Gjokoviçi, 3 herë fitues i turneut amerikan, theksoi se organizatorët e “US Open” duhet të heqin dorë nga “kushtet e tyre të skajshme”
Përndryshe lojtarët do të heqin dorë dhe të presin turnetë evropiane. Edhe numri 2 në botë, kampioni në fuqi i “US Open”, Rafael Nadal, shprehu të njëjtat pakënaqësi. Për shkak të rregullave të higjienës, prania e mediave do të kontrollohet rreptësisht, nuk do të ketë konferenca për shtyp dhe jo publik. Tifozët mund t’i shikojnë ndeshjet vetëm përmes faqes së internetit të “UST” për një tarifë prej 10-12 euro, në varësi të vendit ku ndodhen.
