Andi Mërrej ka debutuar në turneun e madh të tenisit botëror “Australian Open” si numri një i renditjes së përgjithshme, por duhet të vuante në turin e parë, pasi në një ndeshje prej dy orësh me shumë zor ka mundur të kalojë ukrainasin Marçenko; 3-0 (7-5, 7-6, 6-2). Ishte më shumë se e pritur ardhja e Rozher Federerit, i cili kthehej pas 6 muajsh pushim.
Ka fituar në 4 sete në përballjen me austriakun Jurgen Melzer, 3-1 (5-7, 6-3, 6-2, 6-2). E tani përballë tij amerikani Rubin, një tjetër i kualifikuar për turin e dytë të “Australian Open”. Frikëson Vavrinka, numri 4 i renditjes së përgjithshme botërore, i cili ka shkuar në 5 sete ndaj Klizhan; 3-2 (4-6, 6-4, 7-5, 4-6, 6-4). Për femra, një kualifikim i lodhshëm për numrin një të botës, Kerber, e cila është dhe fituese në fuqi e “Australian Open”.
2-1 me Tsurenkon (6-2, 5-7, 6-2). Vuan nga gjuri i majtë dhe skualifikohen numri 4 i renditjes botërore të femrave, Halep, që është mundur 2-0 nga amerikanja Roxhers (6-3. 6-1). Sa u përket italianëve, e kanë nisur mirë “Australian Open” Paolo Lorenci dhe Andreas Sepi, të cilët kanë mundur ta kalojnë turdin e parë të këtij turneu të madh botëror të tenisit.
Lorenci, numri 43 i renditjes botërore të tenisit, është impenjuar ndaj australianit Dukuorth në një ndeshje që ka zgjatur tre orë e 15 minuta. 3-1 për Lorencin (6-4, 7-6, 6-7, 6-4). Sepi ka eleminuar francezin Matië në një ndeshje 3 orë e 5 minuta, pasi ka fituar 3-1 (6-4, 7-6, 6-7, 7-5). Në turin e dytë Sepi do të përballë me idhullin e shtëpisë, Kirgios, ndërsa Lorenci do të jetë përballë serbit Troiçki.
Luka Vani është skualifikuar, teksa e ka ndërprerë ndeshjen në setin e parë për shkak të dëmtimit në ije. Keq ka nisur “Australian Open” për Robert Vinçin, e cila është mundur 2-0 nga amerikanja Vandevege (1-6, 6-7) pas një orë e 37 minuta. Po kështu ka ndodhur dhe me Françeska Skiavonen, e cila është mundur nga një tjetër amerikane, Bozerup, 0-2 (2-6, 4-6) e kjo pas një orë 14 minuta.
Turneu i tenisit botëror “Australian Open” përfundon më 29 janar 2017.