ASNN – Java e 9-të e Kategorisë Superiore, Laçi për të ruajtur të paprekur rekordin e pathyeshmërisë, Kukësi i tensionuar para Kastriotit. Padyshim, vëmendja shkon tek dy duelet e para të kësaj jave, pasi kemi dy duele interesante për ekipet që zbresin në fushë.

Në Krujë Kastrioti pret Kukësin, në një ndeshje ku verilindorëve u duhen me patjetër pikët që të afrohen me kryesuesit dhe njëherësh rivalët për titull, Partizani e Skënderbeu, ndërsa krutanët kanë emergjente pikët për shkak të pozicionit të fundit në tabelën e renditjes, ku në 8 ndeshje kanë grumbulluar vetëm 4 pikë.

Laçi nuk ka stadium, kështu që duhet të “emigrojë” për të luajtur ndeshjet “brenda fushe”. Kurbinasit kanë qenë skuadra më e qëndrueshme e kësaj faze të parë. Fakti që pozicionohen në vend të tretë me 16 pikë, një më pak se Skënderbeu i vendit të dytë që ka 17 pikë, tregon se Laçi është një “kockë e fortë” dhe duhet marrë seriozisht.

Laçi do të luajë të shtunën përballë Teutës, me synimin për të marrë maksimumin, por mbi të gjitha për të mbajtur të pathyer rekordin e deritanishëm pa humbje. Laçi është e vetmja skuadër që nuk ka pësuar humbje deri tani dhe kjo do të thotë shumë në një kampionat si ky i këtij sezoni.

Kampionati Kombëtar

i Futbollit 2018-2019

Kategoria Superiore

Java e 10-të:

Të shtunën:

Kastrioti – Kukësi      (14:00)

Laçi – Teuta               (14:00)

Të dielën:

Skënderbeu-Kamza            (14:00)

Partizani-Luftëtari    (17:00)

Të hënën:

Flamurtari – Tirana   (18:00)

Renditja

1. Partizani 19
2. Skënderbeu 17
3. Laçi 16
4. Kukësi 13
5. Flamurtari 11
6. Teuta 11
7. Tirana   8
8. Kamza   7
9. Luftëtari   6
10. Kastrioti 4