ASNN – Trajneri i Argjentinës Gerardo “Tata” Martino doli në konferencë për shtyp para nisjes së “La Selecion” drejt Kilit për Kupën e Amerikës, ku foli për mundësinë që i jepet skuadrës së tij për ta fituar këtë trofe.

Ish-trajneri i Barcelonës theksoi se skuadra e tij ka një shans shumë të mirë për ta fituar trofeun e Kupës së Amerikës, nisur nga përbërja e mirë e grupit dhe forma e mirë e lojtarëve, duke shtuar se Argjentina është përgatitur të bëjë më të mirën.

“Kjo skuadër është e talentuar dhe ka shumë potencial dhe uri për të fituar, – ka deklaruar ish-trajneri i Barcelonës. – Futbollistët e dinë që po u jepet një mundësi për të fituar diçka me përfaqësuesen.

“Shpresoj ta shfrytëzojmë këtë mundësi dhe të triumfojmë në Kupën e Amerikës”, përfundoi trajneri i përfaqësueses argjentinase, “Tata” Martino.