Superkupa e Spanjës, sonte finalja e madhë është një “El Clasico”

Share Button

AlbanianSport.com 14/01/2024 12:35

ASNN – Trajneri i Barcelonës, Ksavi Hernandez, e ka pranuar të shtunën se rivalja e përjetshme, Reali i Madridit, është në formë më të mirë, por ka këmbëngulur se skuadra e tij është shumë e fortë dhe mund ta mbrojë trofeun e Superkupës së Spanjës. Sfida e mbiquajtur si “El Clasico” do të luhet të dielën mbrëma në stadiumin “KSU” në kryeqytetin e Arabisë Saudite, Rijadh, duke nisur nga ora 20:00. Dy gjigandet spanjolle  do të përballen sërish në finale të Superkupës, ashtu sikurse edhe vitin e kaluar kur skuadra nga Katalonja fitoi trofeun e parë nën urdhërat e Ksavit.

Barcelona më pas fitoi edhe titullin “kampion” në Spanjë, por në edicionin aktual, skuadra e Ksavit është 7 pikë prapa Realit të Madridit në kampionat. Megjithatë, Ksavi këmbëngul se ai e ka “projektin fitues”. “Do të mundohemi ta dominojmë ndeshjen, ta tregojmë personalitetin tonë, mënyrën se si luajmë dhe ta kemi në zotërim topin, – ka thënë Xavi në konferencën për shtyp të shtunën. – Vijmë në formë më të dobët sesa Reali i Madridit, por kur topi të nisë së rrokullisuri, nuk do të ketë favoritë.” 14-të herë fituese e Superkupës së Spanjës, Barcelona, është e 3-ta në renditjen e kampionatit.

Por ajo pësoi disfata befasuese nga Shahtjori i Donjecku dhe Antverpi në Ligën e Kampioneve, edhe pse është kualifikuar për në turin e 16-shes si kryesuese e grupit të saj. Dhe Ksavi ka këmbëngulur se është i qetë pas suksesit të edicionit të kaluar. “Një tjetër trofe mund të fitohet, – ka thënë ai. – Jam në pozitë më të rehatshme sesa vitin e kaluar. Kemi fituar, kemi treguar se ky është një projekt fitues dhe jam më i qetë. Reali gjithmonë është i uritur për trofe por kjo është Barça e fortë. Jemi në një fazë ideale dhe kjo më jep më shumë motivim dhe do të japim gjithçka nga vetja.”

Ndërkaq, trajneri i Realit, Karlo Ançeloti, ka thënë se mbrojtësi i krahut të djathtë, Dani Karvajal, është i gatshëm për lojë, ndonëse ai nuk u stërvit me shokët e skuadrës të premten. Italiani nuk tregoi nëse Kepa Arrizabalaga apo Andrij Lunini do të jenë titullar në portë. “Nuk dua të jap ndonjë informatë, – ka thënë ai. – Për momentin nuk e di se kush do të jetë titullar e kush zëvendësues dhe mendoj se ata të dy e dinë këtë.” Ançelotti e ka shansin që ta barazojë Zinedin Zidanin si trajneri më i suksesshëm i klubit, ndërsa fitorja do t’ia sillte atij trofeun e 11-të në krye të “Los Blankos”.

Migel Munjoz ka fituar 14 trofe si trajner i Realit të Madridit përgjatë viteve 1960-1974, duke përfshirë 9 tituj “kampion” në “La Liga” dhe dy Kupa, tashmë Liga të Kampioneve. Ançeloti ka thënë se është i kënaqur me shansin për ta barazuar Zidanin, por ka shtuar se gjithmonë synon edhe më shumë trofe. “Trofetë qëndrojnë në dollap, i shikon vazhdimisht. Ato janë kujtime. Por gjëja më e rëndësishme është dita e ardhshme”, – ka përfunduar trajneri i Realit të Madridit, Karlo Ançeloti.

Artikuj të tjerëFaqja Kryesore

“Kënga e fundit e mjellmës”… një lamtumirë për 5 futbollistë kuqezi

“Kënga e fundit e mjellmës”… një lamtumirë për 5 futbollistë kuqezi

AlbanianSport.com 15/11/2024 23:40 ASNN – Për herë të fundit në ngjyrat kuqezi, 5 futbollistë i japin

Kombëtarja / Suçek: Tirana na sjell kujtime të këqija, uroj t’i lëmë pas

Kombëtarja / Suçek: Tirana na sjell kujtime të këqija, uroj t’i lëmë pas

AlbanianSport.com 15/11/2024 23:05 ASNN – Ai do të përjetojë një natë të veçantë këtë të shtunë në “Arenën

(Video) Kombëtarja / Kuqezinjtë mbyllin përgatitjet për sfidën çeke

(Video) Kombëtarja / Kuqezinjtë mbyllin përgatitjet për sfidën çeke

AlbanianSport.com 15/11/2024 22:30 ASNN – Liga e Kombeve, Kombëtarja mbyll përgatitjet në “Arenën Kombëtare”, gati për ndeshjen ndaj Çekisë. Kështu, Shqipëria e futbollit është gati për takimin e parë të nëntorit ndaj Çekisë, teska skuadra kuqezi, me në krye trajnerin Silvinjo, mbylli mbrëmjen e së premtes përgatitjet në Stadiumin “Arena Kombëtare” në kryeqytet. Sipas burimeve

(Video) Kombëtarja / Silvinjo: Formacioni? Do të pres deri në fund

(Video) Kombëtarja / Silvinjo: Formacioni? Do të pres deri në fund

AlbanianSport.com 15/11/2024 21:55 ASNN – Trajneri i Kombëtares, Silvinjo, tregoi edhe se si paraqitet

Kombëtarja / Trajneri i Çekisë, Hashek: Synojmë gjithçka në Shqipëri

Kombëtarja / Trajneri i Çekisë, Hashek: Synojmë gjithçka në Shqipëri

AlbanianSport.com 15/11/2024 21:20 ASNN – Trajneri i Çekisë, Hashek: Synojmë maksimumin kundër

  

Kuqezinjtë në “Gjermani 2024” – Vendi Organizator & Të rejat më të fundit

banner
banner
banner

Arkiva

banner
banner
banner
banner
banner
banner

Kontakte dhe informacione

Rrjeti Shqiptar i Lajmeve Sportive (ASNN)

PR & Marketing:
Gentiana Kodra (Pine)

Rrjetet Sociale

Rreth Nesh