ASNN – Mesfushori anglez, Stivën Xherrard, u ka shkruar një letër lamtumire tifozëve të Liverpulit, duke i falënderuar për mbështetjen që mori gjatë shumë viteve në “Enfilld Roud”. “Për të gjithë tifozët e mi, – shkruan ai. – Duke ju thënë ju lamtumirë, nuk ka qenë aspak e lehtë.”

“FC Liverpuli ka qenë pjesa masive e jetës time, që nga koha kur unë isha 8 vjeç, – ka vijuar ish-kapiteni i Anglisë. – Ka qenë një kohë emocionale për mua dhe familjen time. Por prapë, keni qenë ju ata që më keni bërë më të fortë dhe për këtë i falënderohem secilit nga ju.”

“Ka qenë një privilegj absolut për të përfaqësuar këtë klub të madh për një kohë kaq të gjatë. Sot është dita që unë t’ju them faleminderit për përkrahjen e mrekullueshme, për ndihmën e dhënë, për ëndrrën që më keni ndihmuar ta bëj realitet, për kujtimet e lavdishme. Nuk do t’ju harroj”, – përfundon Stivën Xherrard.