ASNN – Sopoti gjen jo vetëm qetësinë e munguar, por me kthimin e trajnerit Gentian Stojku në pankinë ka ardhur dhe kryesimi në grupin e Jugut.

Ndeshjen e tyre me Luftëtarin, të cilën e kanë luajtur në stadiumin e Shkumbinit, librazhdasit e kanë fituar në limitet e kohës, ndërsa në minutën e 5-të shtesë, në të 95-tën, ka shënuar Lezi, i cili ka shfrytëzuar maksimalisht një krosim të Lamajt.

Në përgjithësi ka qenë një pjesë e parë e qetë dhe pa shumë raste për shënim. Në pjesën e dytë loja është më e fortë, sepse Sopoti është i gjithi në sulm në kërkim të golit të fitores.

Madje ka dhe tension, aq sa pas përplasjes mes Hajdarit dhe Shenajt të dy futbollistët janë ndëshkuar me karton të kuq. E megjithatë Sopoti e ka gjetur fitoren duke kryesuar në Jug pas javës së njëmbëdhjetë.

Sopoti – Luftëtari       1-0

Shënues: Lezi 90’+5

Sopoti: Koçi, Kelmendi (Hoxha 46’), Bella, Halilaj, Ballkoçi, Lamaj, Pinto, Lezi, Dhima (Hajdari 70’), Polisi, Cake (Karaj 81’). Trajner: G. Stojku

Luftëtari: Thano, Rexha, Duka, Mersini, Çaço, Qejvani (Sulejmani 70’), Frashëri, Shehaj (Iljazi 75’), Luna, Shenaj. Trajner: B. Devolli

Gjyqtarë: O. Ferataj, E. Pashaj, N. Rrapaj (Patos)

Kartonë të verdhë: Hoxha, Lamaj, Hajdari / Rexha, Mersini, Çunaj

Kartonë të kuq: Hajdari / Shenaj

(është larguar nga pankina e Luftëtarit, trajneri Bledar Devolli për protesta)