ASNN – Grupi B i Kategorisë së Parë ka luajtur dje 4 ndeshjet e javës së saj të 7-të, duke e bërë edhe më interesante situata në krye të renditjes. Disa skuadrat janë ngjeshur njëra pas tjetrës. Sopoti, me fitoren tepër të çmuar, por dhe të tensionuar në Kuçovë, kap përkohësisht kreun, me 14 pikë, dy më shumë se Dinamo, e cila e luan të dielën ndeshjen e vet të javës së 7-të.

Butrinti është frenuar në Peqin, duke u mundur minimalisht dhe duke mos e ruajtur dot ritmin, ndërsa edhe beratasit i janë falur një goli të sulmuesit Enriko Papa në Pogradec. Goli i ish-lojtarit të Apolonisë ka vendosur gjithçka në këtë ballafaqim, duke shtuar 3 pikë të çmuara në llogarinë e skuadrës së Eqerem Memushit. Me 12 pikë të grumbulluara, Tomori ngjitet në vendin e tretë të Grupit B, duke parakaluar sarandjotët.

Lushnja i bashkohet grupit të kreut, me 11 pikë, aq sa ka edhe Butrinti, pasi fitorja 3-0 ndaj Luftëtarit e ka ngritur shumë skuadrën e Artan Banos, që tashmë është futur seriozisht në vallen e pretendentëve për t’u rikthyer në Kategorinë Superiore.

Kategoria e Parë

Grupi B

Java e 7-të

(22-23 nëntor 2014)

Të shtunën:

Lushnja – Luftëtari             3-0

Naftëtari – Sopoti                 1-3

Pogradeci – Tomori             0-1

Shkumbini – Butrinti           1-0

Të dielën:

Bylis – Dinamo                     (14:00)

Renditja

Nr.       Skuadra         N.        F.         B.        H.        Gsh-Gp          Pikë

1. Sopoti 7          3          4          0          9-5                  13
2. Dinamo 6          3          3          0          9-4                  12
3. Tomori 7          3          3          1          6-6                  12
4. Lushnja 7          3          2          2          9-4                  11
5. Butrinti 7          3          2          2          7-2                  11
6. Bylis             6          2          2          2          6-6                  8
7. Pogradeci 7          2          2          3          4-6                  8
8. Luftëtari 7          2          1          4          4-10                7
9. Shkumbini 7          2          0          5          7-10                6
10. Naftëtari 7          0          3          4          4-12                3

Shënuesit më të mirë:

4 gola: Turdiu (Dinamo)

3 gola: Pengu (Pogradeci); Frashëri (Luftëtari); Polisi (Sopoti)

2 gola: Raboshta, Mustafaj (Butrinti); O.Idrizaj (Tomori); Kastrati (Sopoti); Sulkja, A.Magani (Shkumbini); Gjonbrati (Bylis); Rezi (Dinamo); Ruço (Lushnja); Hima (Naftëtari)

1 gol: Aliaj, Hoxhaj, Sako, Shehaj (Bylis); Shkalla, Imami, Arifaj (Dinamo); Lezi, Cake, Zhunior Pericles, Shaba (Sopoti); Bishaj, G.Arbëri, Papa (Tomori); Daci, Kopaçe (Naftëtari); Lluca, E.Magani, Dervishi (Shkumbini); Branica, Dervishi, Allkanjari, Topi, Baze, Gjoni, Ndoni (Lushnja); Bazaj, Rugji, Muço (Butrinti); Rexha, Frashëri (Luftëtari); Laçka (Pogradeci)