Në Asamblenë Zgjedhore, presidenti aktual i Federatës Shqiptare të Skive ka fituar 7-5 ndaj rivalit të tij Luan Basha. Pas zgjedhjes për president bojkotohen masivisht zgjedhjet për kryesinë e re.

7 mandate numëron Shkëlqim Mema si presidenti i skive; 1992-1996, 1996-2000, 2000-2004, 2004-2008, 2008-2012, 2012-2016 dhe 2016-2020. Si askush tjetër. Por, a ka përfitime financiare kjo Federatë?

Deri më 2013-ën, Federata Shqiptare e Skive ka funksionuar me projekte dhe nuk përfitonte grand. Më 2013-ën ka përfituar 500.000 lekë, më 2014-ën 700.000 lekë, më 2015-ën 800.000 lekë dhe më 2016-ën dy herë nga 400.000 lekë të rinj.

Dhe të gjitha këto të paktën, edhe sipas Konomit, janë dhënë sepse skitë kanë një rritje në numër sportistësh, kanë cilësi dhe janë duke u zhvilluar. Por e vërteta është se Sekretari i Përgjithshëm, detyrë që e ka bërë Ilirjan Çule deri më tani, ka qenë vullnetar.