ASNN – Edhe niveli më i lartë i Kampionatit Kombëtar të Basketbollit për Meshkuj, që njihet si Kategoria e parë, ka mbyllur të dielën ndeshjet e javës së tij të parë, duke dhënë rezultate interesante.

Në takimin hapës, të luajtur të premten, Tirana Eagles Basket ka fituar duelin e dy ekipeve private, pasi ka mposhtur me rezultatin 96-78 Invejdërs. Kjo e fundit ka debutuar për herë të parë në nivelin e të rriturve të basketbollit shqiptar.

Dy takimet e tjera janë luajtur të shtunën dhe, Flamurtari ka fituar me një pikë të vetme ndaj Apolonisë, me shifrat 66-65, ndërsa Skënderbeu ka dominuar në Elbasan ndaj skuadrës vendase, me rezultatin 51-74, duke marrë edhe kreun e renditjes.

Kampionati Kombëtar

i Basketbollit – Meshkuj

Kategoria e Parë

Java e parë:

5 tetor 2018: 

Invejdërs – Tirana Eagles Basket  78-96

Pallati i Sportit “Asllan Rusi”, Tiranë

6 tetor 2018: 

Flamurtari – Apolonia                      66-65

Pallati i Sportit “Flamurtari”, Vlorë

Elbasani – Skënderbeu                   51-74

Pallati i Sportit “Tomor Sinani”, Elbasan