ASNN – “Për mendimin tim nga momentin që u zhbllokua rezultati, fitorja nuk mund të them që ishte e lehtë, – ka deklaruar trajneri kryeqytetas i korçarëve pas fitores së skuadrës së tij ndaj Vllaznisë. – Patëm disa probleme duke pasur parasysh që filluam lojën shumë mirë sot. Por humbëm disa raste të cilat duhet t’i kishim shfrytëzuar më mirë. Dolëm shumë nga krahët, atje ku punuam mjaft mirë.”
“Arritëm të shënonim golin në momentin më të mirë për ne pastaj patëm një moment relaksimi, të cilin Vllaznia nuk është s’e pati shansin që të na rrezikojë, – ka vijuar kreu i pankinës së kampionëve më fuqi. – Por ne duhet të tregoheshim cinikë më shpejt duke shënuar golin e dytë që në pjesën e parë. Megjithatë jam i kënaqur nga loja e ekipit nga mënyra se si u qarkullua topi.”
“Problem mund të themi se janë disa raste që kanë humbur lojtarët, që duhet të kishin shënuar më shumë sot, – ka theksuar Josa. – Kam thënë që golin nuk e pres vetëm nga sulmuesit, por edhe nga lojtarët e tjerë. Mua më intereson vetëm ekipi im dhe nuk dua të flas për ekipet e tjera.”
“Besoj se ne ishim superiorë, por ju edhe në ndeshjen me Flamurtarin nuk keni thënë që ishte Skënderbeu mirë, por s’e ishte Flamurtari dobët. Prandaj dua të ndalem vetëm tek ekipi im. Jam i kënaqur nga ekipi në tërësi. Ndeshjet i shohim një e nga një dhe do të ecim përpara avash-avash. Ishte një fitore tre pikëshe më shumë se fitore morale”, – ka përfunduar trajneri i Skënderbeut, Mirel Josa.