ASNN – Mesfushori i Skënderbeut, Bernard Berisha mendon se përballja me Dinamon e Zagrebit, do të jetë një sfidë e vështirë. Kampionët e Shqipërisë do të përballen me gjiganden kroat në dy ndeshjet e “play-off-it të Ligën e Kampioneve.
Mesfushori pejan, i cili tashmë është njëri ndër futbollistët kryesorë tek skuadra korçare, përmes profilit të tij në “Facebook”, ka thënë se dueli me skuadrën kroate do të jetë e fortë, por ai premton se Skënderbeu do të japë maksimumin kundër Dinamos.
“Ndeshje e fortë! Do të japim maksimumin”, ka shkruar Berisha.
Të mundur dy herë nga Dinamo e Zagrebit, sërish jemi përballë saj. Në shortin e hedhur për Ligës së Kampioneve, korçarët janë vënë përballë kampionëve të Kroacisë, që në të shkuarën kanë fituar dy takime me Tiranën.
Për analistin e sportit, Fatmir Mneri kjo përballje për Skënderbeun mund të ishte një revansh. I pyetur nga TV Klan sa janë shanset për kualifikim, Meneri thotë se në futboll gjithçka është e mundur
Nëse kualifikohet, Skëndërbeu do të behët ekipi i parë shqiptar që hyn në fazën e grupeve të veprimtarisë më prestigjioze të klubeve të Evropës. Megjithatë, korçarët kanë të sigurt pjesëmarrjen në grupet e Ligës së Evropës.
