ASNN – Drejtuesit teknikë të Shkumbinit duket se nuk janë të kënaqur me grupin ende të cunguar, ndonëse janë në mes të fazës përgatitore. Megjithatë, merkatoja duket se do të jetë kryefjala e zhvillimeve gjatë javës së ardhshme. Por largimi i Ramazanit drejt Pogradeci i ka detyruar drejtuesit që të vazhdojnë të kërkojnë forcimin me lojtarë cilësorë në çdo repart.

Drejtuesit e ekipit këtë fillim jave presin një përgjigje nga qendërmbrojtësi peqinas Jurgen Vogli me të cilin kanë folur që prej disa ditësh. Dhe përgjigja e tij pozitive do të jetë mbyllja e një “grope” në këtë merkato verore të Shkumbinit. Përveç kësaj një tjetër lojtar që pritet të rikthehet në “shtëpinë” e tij është edhe mbrojtësi shtatlartë Xhuliano Turhani.

Lojtari ka qenë jashtë shteti për vizite të pjesës të familjarëve në mërgim dhe me kthimin e tij nga Gjermania pritet bashkimi i tij me pjesën tjetër në urdhërat e trajnerit Ilirjan File. Lajme të mira vinë edhe nga disa bisedime të rëndësishme me disa lojtarë me të cilët drejtuesit presin të konfirmojnë përgjigjet për të qenë në urdhërat e trajnerit të Shkumbinit.