ASNN – Shkëndija e Tetovës më në fund është ndalur dhe ka pësuar një humbje të hidhur këtë të mërkurë, sepse u mund brenda në Tetovë nga Akademija Pandev 1-0, në kuadër të javës së 15-të të kampionatit të futbollit të këtij vendi. Ishte një humbje e papritur dhe që komplikon situatën për kampionen në fuqi të Maqedonisë, e cila, edhe pse e ruan kreun e renditjes me 37 pikë, tani rrezikohet nga Vardari i Shkupit.

Ky i fundit fitoi të mërkurën 3-0 ndaj Pobedës dhe është ngjitur në 34 pikë, pra vetëm tri pikë larg. Për Shkëndijën ishte zhgënjim kjo ndeshje dhe pas 7 fitoresh radhazi, duket se këtë herë tetovarëve u ra “sysh”. Ndërkohë, ndeshja tjetër e skuadrave shqiptare, ajo mes Shkupit dhe Renovës, u mbyll në barazim 1-1, duke bërë të ndajnë nga një pikë, mjaftueshëm për këtë etapë të kampionatit dhe për pozicionet në renditje.

Humbja e Shkëndijës mund të lidhet me mungesën e sulmuesit kryesor, Besar Ibraimi, i cili është shtyllë e skuadrës tetovare dhe mungesa e tij sjell dobësi në reprtin ofensiv dhe mungesa e golit penalizon skuadrën kuqezi, kampionen në fuqi të ligës së parë të Maqedonisë. Gjithsesi, Shkëndija vijon edhe pas kësaj jave të mbajë kreun e renditjes në Superligën e Maqedonisë.

Renditja

Nr. Skuadra                           Pikë

1. Shkëndija Tetovë 37
2. Vardari Shkup             34
3. Akademia Pandev 29
4. Rabotniçki             26
5. Renova             21
6. Shkupi             20
7. Makedonija            18
8. Pobeda             17
9. Belasica                         17
10. Sileks 15