ASNN – Shënkolli dhe Kastrioti janë ndarë në barazim në miqësoren mes tyre, ndërsa që në fillim loja ka qenë e fortë, ndërsa të dy skuadrat u përpoqën të krijonin epërsi ndaj njëra-tjetrës. Në të vërtetë një gjë e tillë nuk u arrit për shkak të mbrojtjeve të forta.
Rreziku i parë erdhi nga Kastrioti duke sulmuar me forca të shumta me anë të Koreshit, Manukës dhe Karakaçit. Krutanët shpërdorojnë raste të shumta, ndërsa Shënkolli është mbrojtur me forca të shumta.
Vetëm pas minutës së 15-të vendësit kanë rrezikuar me Pjetrushin dhe Pjetrin, por dhe Mirditën. Vetëm gol s’ka. Deri në fund kundërsulmojnë të dy palët, por 0-0. Dhe pjesa e dytë është e ngjashme me të parën.
Kjo sepse, si krutanët, ashtu edhe shënkollasit kërkojnë golin. Por deri në fund nuk del në dritë dhe përfundimisht 0-0. Në ndeshje përkrah presidentit Djala ka qenë dhe Alert Alcani, që do të marrë drejtimin e skuadrës.
SHËNKOLLI – KASTRIOTI 0-0
SHËNKOLLI: Aliaj, Hidri, Liçaj, Nekaj, Pjetri, Çeku, Pjetrushi, Dodaj Bushpepa, Mirdita, Kulli. U aktivizuan: Biba, Alcani, Zefi, Lushaj. Trajner: A. Margjoni
KASTRIOTI: Çali, Hoxha, Lila, Manuka, Doku, Çutra, Koreshi, kejsi, Karakaçi, Marku, Neziri U aktivizuan: Gabriel, Sala, Kuka, Mamica. Trajner: A. Deliu
GJYQTARË: A. Lleshi, S. Haxhiu, S. Doda (Laç)
