Turi i katërt i Olimpiadës Botërore të Shahut, që është dukeu zhvilluar në Baku, ka qenë tronditës për kombëtaren e djemve, e cila drejtohet nga Fatos Muço. Bangladeshi, që, në një farë mënyre, konsiderohet një vend i humbur në Azi, ka pasur katër mjeshtra të mëdhenj ndërkombëtarë aq sa për të mundur Shqipërinë.

Vetëm një barazim i Dritan Mehmeti, që është shahisti më i mirë i kombëtares, dhe më pas humbje për Erald Dervishin, të vetmin mjeshtër të madh ndërkombëtar që ne kemi, humbje për Ilir Seitajn (Mjeshtër Ndërkombëtar) dhe humbje për Franc Ashikun (Mjeshtër i FIDE-s).

Për rrjedhojë kemi mbetur në kuotën e katër pikëve, dy fitore dhe dy humbje, ndërsa në pikë tavolinash kombëtarja ka grumbulluar 8 pikë. Respektivisht Erald Dervishi 1.5 pikë në katër ndeshje, Dritan Mehmeti 3 pikë në katër ndeshje, Ilir Seitaj 2 pikë në tre ndeshje, Franc Ashiku 1 pikë në tre ndeshje dhe Llambi Pasku 0.5 pikë në 2 ndeshje.

Për momentin teksa kanë mbetur dhe shtatë ture deri në përfundim të Olimpiadës, Shqipëria e djemve është në vendin e 79-të mes 150 pjesëmarrësve. Dhe sot në turin e 5-të do të jetë përballë Australisë

Olimpiada Botërore e Shahut

Rezultatet teknike të turit të katërt:

Meshkuj

Shqipëri – Bangladesh                                                       0.5-3.5

Erald Dervishi – Enamul Hosain (MM)                            0-1

Dritan Mehmeti – Abdullah Mollah Al Rakib (MM)        0.5-0.5

Ilir Seitaj – Ziaur Rahman (MM)                                        0-1

Franc Ashiku – Niad Murshed (MM)                                0-1