ASNN – Nxënësit e shkollës së mesme “Aleks Buda” në Laprakë përjetuan dje një ditë të veçantë, duke garuar përmes sportit të mendjes. Interesi dhe talenti i shumë prej të rinjve të kësaj shkolle dhe këmbëngulja e tyre, bëri që mjeshtri I shahut të mbante premtimin e dhënë përmes finalizimit të kësaj veprimtarie.

Mbresëlënëse ishte edhe përgatitja dhe aftësitë e nxënësve dhe mësuesve të shkollës, të cilët nuk hoqën dorë deri në fund të lojës. Ndërkohë, Federata Shqiptare e Shahut me President Rezart Taçin, në bashkëpunim më atë ndërkombëtare dhe Ministrinë e Arsimit, janë angazhuar edhe një tjetër projekt.

Ata kanë nisur regjistrimin në faqen zyrtare të FIDE-s në Internet, emrat e të gjithë të rinjve të apasionuar pas këtij sporti. Sekretarja e Përgjithshme e Federatës Shqiptare të Shahut, Majlinda Pilinçi,ka shpjeguar arsyet dhe mënyrën sesi bëhesh anëtar i kësaj faqeje. Federata Shqiptare e Shahut synon që ky sport të shtrihet gjerësisht në shkolla, duke u bërë pjesë e programit mësimor.

Kjo jo thjesht si një mundësi argëtimi për nxënësit, por në funksion të rritjes së intelektit dhe përqendrimit të tyre