Kampionati Kombëtar Individual i Shahut për Meshkuj e Femra duket se ka hyrë tashmë në faza interesante. Fitorja e Tuzit paradite me Cakën, një ndeshje e prapambetur që nga turii i parë, por dhe pasdite me Kërçikun i ka dhënë mundësi shahistes së Akademisë që sot të jetë në krye me 5 pikë.
Aq më tepër që Alda Shabanaj është frenuar në barazimin me Cakën. Kështu që Tuzi tashmë ka nga pas dy motrat Shabanaj, që kanë së bashku nga 4.5 pikë. Tek meshkujt Seitaj, edhe pse ka barazuar me Timoleo Miçon, nuk e ka humbur kreun, teksa ka 6 pikë.
Por nga pas ka Ashikun, të cilin e ka mundur në ndeshje direkte. Pra vetëm një hap i gabuar në turet pasardhëse e Seitajt mund t’i humbasë kreun dhe titullin “Mjeshtrit Ndërkombëtar” shqiptar. E deri në fund, më 10 shtator, duket se do të ketë luftë të ashpër për titull, të paktën tek femrat.
Kampionati Kombëtar Individual
i Shahut për Meshkuj e Femra 2015
Meshkuj
Rezultatet teknike të Turit të 7-të:
Mehmeti – Paci 0-1
Pasku – Ashiku 0-1
Miço – Seitaj 0.5-0.5
Bushi – Bregu 0-1
Rama – Disha 0.5-0.5
Bregu – Kabo (fiton Bregu në tavolinë)
Femra
Rezultatet teknike të Turit të 6-të:
Tuzi – Kërçiku 1-0
Gjergji – Shuqja 1-0
E. Shqau – E. Shabanaj 0-1
Caka – A. Shabanaj 0.5-0.5
O. Shqau pushim
