ASNN – Një simultanë shahu me mjeshtrin Ilir Seitaj. Kështu është finalizuar Kampionati i parë i Shahut në radhët e Forcave të Armatosura të Republikës së Shqipërisë. Në fjalën e saj nënkolonele Arta Driza ka shpjeguar arsyet e zhvillimit të këtij kampionati dhe nuk ka harruar të përshëndesë Federatën Shqiptare të Shahut për mbështetjen e dhënë.

“Shahut, si një sport i traditës, duket sikur i janë zbehur vlerat dhe Federata Shqiptare e Shahut kërkon t’i rikthejë ato me krijimin e klubeve, nga ato amatore në një nivel më cilësor, të denja për përfaqësim në rang kombëtar dhe me gjerë”, – ka deklaruar Sekretarja e Përgjithshme e FSHSH-së, Majlinda Pilinçi, e cila theksoi edhe rëndësinë që ka sporti i shahut dhe domosdoshmërinë që ai të mos humbasë.

Mjeshtri Saitaj pranoi që gjatë kësaj simultane hasi vështirësi, pasi lojtarët ishin të përgatitur dhe nuk dorëzoheshin lehtë. Në përfundim të kësaj simultaren, në një ceremoni të posaçme të mbajtur me këtë rast, përfaqësuesit e Federatës Shqiptare të Shahut shpërndanë medaljet si dhe dhuruan libra për ushtarakët e apasionuar pas sportit të mendjes.