Nëse kanë shkëlqyer meshkujt me atë barazim të fortë ndaj Izraelit, femrat kanë rënë përballë Meksikës në turin e 10-të të Olimpiadës Botërore të Shahut. E përbërë nga tre mjeshtre ndërkombëtare për femra dhe një mjeshtre FIDE (Federata Botërore e Shahut) po për femra, Meksika ka qenë një kundërshtar shumë i fortë për tonat.

Kanë humbur njëra pas tjetrës Eglantina Shabanaj, Rozana Gjergji dhe Alda Shabanaj, por ka ardhur një barazi i Bruna Tuzit që nuk ngre shumë peshë. Përfundimisht me 10 pikë, Shqipëria e femrave kanë rënë 12 vende në renditje, ndërsa aktualisht është në vendin e 69-të mes 140 pjesëmarrësve.

Si pikë tavolinash, Shqipëria e femrave ka 19 pikë, që vijnë nga Eglantina Shabanaj, 4 pikë në 9 ndeshje, Rozana Gjergji, 5 pikë në 10 ndeshje, Alda Shabanaj, 4 pikë në 9 ndeshje, Bruna Tuzi 4.5 pikë në 8 ndeshje dhe Suzana Kërçiku 1.5 pikë në 4 ndeshje. Olimpiada Botërore e Shahut përfundon sot, ndërsa vajzat do të ndeshen me Malin e Zi.

Olimpiada Botërore e Shahut

“Baku – Azerbajxhan 2016”

Rezultatet teknike të turit të 10-të:

Femra

Meksikë – Shqipëri                                                                          3.5-0.5

Karime Diana Real Pereira (F/MN) – Eglantina Shabanaj      1-0

Alehandra Rodriguez Guerrero (F/MN) – Rozana Gjergji        1-0

Miriam Kasas Parkhurst (F/MF) – Alda Shabanaj                      1-0

Ale Ivete Moral Garcia (F/MN) – Bruna Tuzi                               0.5-0.5