Të hënën në mesditë në Gjakovë ka përfunduar Kampionati Evropian Individual i Shahut, atje ku fitues është shpallur Mjeshtri i Madh Ndërkombëtar nga Rusia, Ernesto Inarkiev, i cili në 11 ture, grumbulloi 9 pikë.
Më i miri i Shqipërisë ka rezultuar Rexhep Masha, që në turin e fundit ka fituar ndaj kosovarit Arsim Hana. Dhe për rrjedhojë me 5 pikë është renditur i 156-ti mes 245 pjesëmarrësve.
Ndërkohë Riza Bregu është mundur nga kosovari Bedri Spahiu. Po kështu ka ndodhur dhe me Eglantina Shabanajn, e cila është mundur nga kosovari Bashkim Juniku. Me 5 pikë, Riza Bregu është renditur në vendin e 187-të.
Eglantina Shabanaj me 3 pikë ka zënë vendin e 211-të, kurse Diamant Yzeiraj me një pikë dhe i tërhequr në turin e fundit është klasifikuar i 231-ti. Ky ishte Evropiani Individual i Shahut për kuqezinjtë, që la shumë për të dëshiruar në paraqitje.
