ASNN – Kampionati Evropian Individual i Shahut ka mbërritur në turin e 3-të, teksa dje kanë ardhur dy fitore për shahistët kuqezinj. Kështu Riza Bregu ka fituar përballë kosovarit Bashkim Juniku, ndërsa Diamant Yzeiraj ka mundur një tjetër kosovar si Shkëlzen Bardonini.
Rexhep Masha është mundur nga italiani Mario Kodenoti, kurse Eglantina Shabanaj është mundur nga turku Ogulçan Kanmazalp. Masha është i 158-ti në renditje, Riza Bregu i 190-ti, Diamant Yzeiraj i 194-ti dhe Eglantina Shabanaj e 206-ta. Evropiani që po mbahet në Kosovë, në Gjakovë, mbyllet më 23 maj 2016.
