ASNN – Kampionati Kombëtar i Volejbollit për Meshkuj, për sezonin 2015-2016 ka nisur me surprizë. Dhe ajo vjen nga Shkodra, atje ku Farka Volej e trajnerëve Dritan Bardhi dhe Petrit Shpata i ka befasuar të gjithë me atë fitore 3-0.

Ndërkaq, në kryeqytet, Tirana në volejboll për meshkuj e ka nisur me këmbë të mbarë, teksa ka fituar dje pasdite në “Farie Hoti”, 3-0 ndaj Elbasanit. Një ndeshje që është kontrolluar nga fillimi deri në fund prej bardhebluve.

Nisur nga rezultati i thellë duket se gjithçka ishte një formalitet në “Ramazan Njala” për vendasit ndaj Skënderbeut. Por kronika e ndeshjes është tregues i saktë, që Teuta nuk e ka pasur të lehtë fitoren 3-0.

Kjo jo vetëm nga kohëzgjatja prej 100 minutash e ndeshjes, por edhe nga finalizimet dramatike të dy seteve të fundit, që shkuan në pikët shtesë, përkatësisht, 26-24 dhe 27-25. Kampionia në fuqi, Studenti, ishte pushim këtë javë.

Kampionati Kombëtar

i Volejbollit – Meshkuj

Java e parë

(31 tetor 2015)

Teuta – Skënderbeu           3-0

Tirana – Elbasani                3-0

Vllaznia – Farka Volej         0-3

Studenti                                 pushim

Renditja

Nr.       Skuadra         N.        F.         H.        Setet               Pikë

1. Farka Volej 1          1          0          3-0                  3
2. Teuta 1          1          0          3-0                  3
3. Tirana 1          1          0          3-0                  3
4. Elbasani 1          0          1          0-3                  0
5. Skënderbeu 1          0          1          0-3                  0
6. Vllaznia 1          0          1          0-3                  0
7. Studenti 0          0          0          0-0                  0