ASNN – Futbolli evropian përzgjedh në prag të çdo sezoni të ri lojtarin më të spikatur të sezonit të shkuar dhe tashmë janë përzgjedhur 3 kandidatët përfundimtarë për çmimin e sezonin 2014-2015. Këta janë argjentinasi Lionel Mesi, portugezi Kristiano Ronaldo dhe uruguaiani Luis Suarez. Organizmi që qeveris futbollin evropian, UEFA, ka bërë të ditur se janë përzgjedhur 3 kandidatët përfundimtarë për çmimin e lojtarit më të mirë të kontinentit, për sezonin e shkuar. Në këtë çmim, i cili është tashmë në edicionin e tij të tij, votojnë 54 gazetarë nga e gjithë Evropa.
Ndërsa Shqipërinë e përfaqëson Radio-Televizioni Shqiptar. Tre emrat përfundimtarë kanë dalë pas dy turesh votimi, reflektojnë në fakt kryesisht paraqitjen e tyre në futbollin evropian të klubeve, duke qenë se 2015 është viti ku nuk ka as Kampionat Evropian dhe as Botëror. Portugezi Kristiano Ronaldo, i cili është fituesi në fuqi i këtij çmimi, vjen në votimin përfundimtar pas një sezoni ku nuk e fitoi as Ligën e Kampioneve dhe as kampionatin spanjoll, por vetëm Superkupën e Evropës dhe Botërorin e Futbollit të Klubeve.
Megjithatë, ai pati një sezon të jashtëzakonshëm në planin personal, pasi shënoi 61 gola në 54 ndeshje. Ndërkaq, dyshja Mesi-Suarez shijoi një sezon të mbushur me trofe, pasi kanë fituar kampionatin spanjoll dhe Ligën e Kampioneve dhe, së fundi, edhe Superkupën e ndonëse të dy zhgënjyen me përfaqësueset e tyre përkatëse në Kampionatin e Futbollit të Amerikës Latine, të njohur si “Kopa Amerika”. Votimi përfundimtar, nga ku do të dalë edhe fituesi i këtij çmimi, do të mbahet më 27 gusht 2015.
