ASNN – Erës së Roman Abramoviçit tek Çellsi duket se po i vjen fundi. Sipas “Blumberg TV”, pas 15 vitesh, manjati rus, po mendon ta shesë klubin. Ai ka hyrë në bisedime me “Raine Group LLC” të Nju Jorkut për të gjetur një blerës. Oferta e padronit të bluve të Londrës, që e mori klubin në 2003 kur ishte në prag të falimentimit, është plot 3.3 miliardë euro. Një shifër tepër e lartë, duke konsideruar edhe vlerat e klubeve të tjera, më të titulluara se Çellsi.
Titujt e fituar nga ky klub gjatë presidencës së Abramoviçit, për 15 vjet janë: një titull në Premier League, 5 Kupa të Federatës, dy Superkupa të Anglisë (Community Shield), dy Kupa të Ligës Angleze, një Ligë Kampionesh dhe një Ligë të Evropës. Suksese të rëndësishme, të arritura falë blerjeve të shumë futbollistëve të mëdhenj si dhe trajnerëve të rëndësishëm që e kanë drejtuar këtë skuadrës si: Murinjo, Ançeloti, Di Mateo, Benitez apo Konte.
Investime që e kanë bërë Çelsin një nga klubet më të rëndësishme të Evropës, e tani pas ardhjes së trajnerit Sarrit, manjati rus ka vendosur ta shesë klubin atij që do të bëjë ofertën më të mirë. Por në fakt ai kërkon shumë para, 3.3 miliardë euro është një shifër tepër e lartë. Gati-gati duket se është jashtë çdo parashikimi. Në të kaluarën Abramoviçi ka refuzuar një ofertë prej 2.3 miliardë sterlinash për klubin, dhe tani që ka vendosur të largohet, kërkon ta kthejë në para gjithë punën që ka bërë.
Kësisoj, ai e ka vlerësuar klubin shumë shtrenjt. Në “Stemford Bridxh” është vendosur tabela, “shitet”. Por duket se do të jetë e pamundur për shumë pak persona, shumë e ndoshta asnjë blerës. Përveç kësaj, rusi po ka probleme me famën e keqe që po i rritet si një njeri me lidhje të dyshimta me pastrimin e parave dhe elementë kriminalë, çka bëri që Zvicra t’i refuzojë lejen e qëndrimit, duke e quajtur atë madje si “kërcënim të dukshëm publik”.
