Shtetet e Bashkuara të Amerikës, që janë kampione në fuqi të botës, dhe Franca kanë mbyllur ndeshjet e para në grupe. Amerikanet kanë fituar 2-0 me Zelandën e Re pas golave të Llojdit, në minutën e 9-të, dhe Morganit, në të 46-ën. Më e lehtë dhe më e thellë ka qenë fitorja e Francës, e cila ka shënuar 4 gola ndaj Kolumbisë.

Arias shënon autogol në minutën e 2-të, më pas Lë Somer shënon në të 14-ën, por Franca e ka mbyllur pjesën e parë me shifrat 3-0, pas golit të Abilit, në minutën e 42-të. Dhe goli i katërt për francezet mban firmën e Majrisë, 8 minuta para përfundimit të kohës së rregullt.

Ajo që bie në sy është mungesa e Japonisë, nënkampione e botës më 2015-ën, por në të njëjtën kohë edhe medalje e argjendtë në Lojërat e mëparshme Olimpike, “Londër 2012”. Në të dy rastet është mundur nga Shtetet e Bashkuara të Amerikës, përkatësisht 5-2 në Kanada dhe 2-1 në Londër.

E ndoshta një finale e tretë mes tyre mund të ishte menduar dhe Rio, por Japonia nuk është. Gjithsesi tashmë kanë përfunduar ndeshjet e para në grupe dhe Shtetet e Bashkuara të Amerikës e Franca i është bashkuar Suedisë, Brazilit, Gjermanisë e Kanadasë, të cilat i kanë fituar lehtësisht ndeshjet e tyre të para.

Lojërat Olimpike “Rio 2016”

Turneu i Futbollit – Femra

Grupi G

Dje:

SHBA – Zelandë e Re        2-0

Francë – Kolumbi                4-0

Renditja

Nr.       Skuadra                     N.        F.         B.        H.        Gsh-Gp          Pikë

1. Franca                       1          1          0          0          4-0                  3
2. SHBA                         1          1          0          0          2-0                  3
3. Zelanda e Re            1          0          0          1          0-2                  0
4. Kolumbia                   1          0          0          1          0-4                  0