ASNN – Lum Zhaveli, përfaqësuesi i dytë i notit kosovar në Lojërat Olimpike “Rio de Zhaneiro 2016”, është eliminuar në 50 metra stil i lirë.

Ai ka zënë vendin e 7-të në baterinë e 5-të eliminatore, ndërsa koha e tij është 24”53 që e ka renditur të parafundit.

Në një intervistë për të përditshme kosovare, “Koha Ditore”, Zhaveli ka thënë se e di ku qëndron problemi pas eliminimit nga “Rio 2016”.

“Besoj e di ku është gabimi, duhet t’i marrë pamjet, t’i shikoj dhe të përmirësohem për Kampionat Botëror”, – ka thënë notari kosovar.

“Në fund ka filluar uji të më “ikë” dhe kur fillon uji të të “ikë” ia nis të notosh në vend”, – ka thënë Zhaveli.