ASNN – Lionel Mesi dhuron spektalën dhe shpëton Argjentinën, duke mundur Kolumbinë 3-0. Me 19 pikë në grupin e Amerikës së Jugut, skuadra argjentinase fiton besimin e humbur duke shpresuar më shumë drejt fazës finale të Botërorit “Rusi 2018”. Kjo ndeshje u transmetua drejtpërdrejt nga Rrjeti i Radio-Televizioni Shqiptar.
Mesi dhuron spektakël në ndeshjen më të vështirë të Eliminatoreve të Botërorit “Rusi 2018”, kundër Kolumbisë, duke fituar 3-0. Tri pikë të rëndsishme për argjentinasit në rrugën e gjatë drejt Rusisë. Argjentina e udhëhequr nga Lionel Mesi arriti të fitojë dhe të kthejë besimin në skuadër dhe te të gjithë futbollistët.
Në Stadiumin e San Huanit, Argjentina ka kapërcyer kështu një ndeshje që shërbeu si test për të shumë lojtarë, e mbi të gjitha për trajnerin Edgardo Bauza. Goli i parë ishte një kryevepër. Një goditje e bukur e realizuar me të majtën nga Lionel Mesi në portën e kolumbianëve.
Më pas dy topa të artë të dhënë nga Mesi për Praton fillimisht dhe më pas për Di Marian, të cilët i çuan në tre shifrat e golave të realizuar në këtë ndeshje. Në sfidat e tjera eliminatore, të grupit të Amerikës së Jugut, Brazili ka mundur Perunë 2-0, Uruguaji është mundur 3-1 nga Kili, Bolivi nga Paraguaji 1-0, nd[rsa Ekuadori ka mposhtur Venezuelën 3-0.
