ASNN – Është pritur me shumë interes nga sportdashësit shkodranë zhvillimi i finaleve të Kupës së Shqipërisë në Volejboll për meshkuj në Pallatin e Sportit “Qazim Dervishi”, sikundër ka ndodhur me fazën finale të Kupës së Shqipërisë në basketboll po për meshkuj.
Duke pretenduar dhe besuar në formën e mirë që po kalon skuadra e Artan Kalasë, të gjithë kanë menduar se Vllaznia do ta fitojë këtë Kupë. Por ndodhi ajo që askush nuk e parashikonte kur Vllaznia është eliminuar nga Teuta në një ndeshje gjysmëfinale që në letër mendohej e lehtë.
Një ndeshje që është karakterizuar nga një luftë e fortë sportive dhe ku, përpos setit të dytë që fitohet lehtësisht nga shkodranët, tek të gjithët të tjerët rivaliteti ka qenë në masën maksimale, aq sa në të parin dhe në të pestin janë dashur edhe pikët shtesë për të përcaktuar fituesin.
Më pas finalistja tjetër është si zakonisht Studenti, që ka eliminuar Tiranën. E kësisoj finalja e Kupës së Shqipërisë në Volejboll për meshkuj pas tre vjetësh përsëri do të jetë Studenti-Teuta.
Kupa e Shqipërisë
Volejboll – Meshkuj
Kalendari i fazës finale:
(9-10 mars 2016)
Gjysmëfinalet:
Të mërkurën:
Vllaznia – Teuta 2-3
Tirana – Studenti 1-3
Të enjten:
Për vendet 3-4:
Vllaznia – Tirana ora 17:00
Finalja
Teuta – Studenti ora 19:00
Kupa e Shqipërisë
Volejboll – Femra
Kalendari i fazës finale:
(11-12 mars 2016)
Të premten:
Barleti Volej – Vllaznia ora 17:00
Tirana – Teuta ora 19:00
Të shtunën:
Për vendet 3-4 ora 17:00
Për vendet 1-2 ora 19:00
