ASNN – Australiani i ka befasuar të gjithë, teksa ka arritur fitoren në Çmimin e Madh të Monakos duke lënë nga pas Fetelin dhe Hamiltonin. Daniel Rikiardo, piloti i “Red Bull”-it, është fituesi i Çmimit të Madh të Monakos në Formula 1, teksa është përpara pilotit të “Ferrari”-t, Sebastial Fetelit, dhe atij të “Mercedes”-it, Ljuis Hamilton, që mbetet në fakt kryesuesi i renditjes së Kampionatit Botëror të Formula 1.
“Kjo fitore është përgatitur prej dy vjetësh dhe shpërblimi për mua ka ardhur, – ka deklaruar ai pas garës. – Kemi pasur probleme, ndërsa ka qenë një punë shumë e vështirë gjatë garës. Kam ndjerë një humbje të fuqisë, në një farë pike kam menduar që gara mbaroi dhe kemi mbërritur në fund duke përdorur vetëm 6 marshe. Faleminderit ekipit!”
Ndërsa Sebastian Fetel i “Ferrari”-t, deklaroi: “Besoj që hapin për të fituar e kemi pasur, por ka qenë një garë shumë e komplikuar. Mendoj që Rikiardo ka pasur gjithmonë përgjigjet e duhura ndaj rivalëve për të fituar këtë garë. Në xhiron e parë kam arritur ta ndjek mjaftueshëm lehtë, pastaj ka shtuar ritmet dhe ishte e vështirë për ta kapur. Në fund nuk kisha mjaftueshëm besim tek gomat.”.
I katërti një tjetër pilot i së kuqes, Raikonen, që ka lënë nga pas Botas, Okon, Gaslej dhe Hulkenberg. “Nuk ka ndodhur praktikisht asgjë, – ka thënë piloti finlandez i skuadrës italiane. – Ka qenë një garë e mërzitshme, jemi frenuar duke ndjekur ato që ishin përpara nesh, të cilët i jepnin shumë ritëm garës dhe ishte e pamundur t’i parakaloje. Nuk kemi pasur mundësi as të sulmonin Hemiltonin.”
Verstapen, që e ka nisur garën e fundit, e mbyll i 9-ti. Sainzi i ri plotëson 10-shen e parë. Rikiardo, që e ka nisur i pari falë provave zyrtare, merr menjëherë komandën e garës. Në xhiron e 12-të Hemiltoni rihyn në bokse dhe vendos të montojë gomat shumë të buta, që është ndjekur pastaj nga Feteli dhe Riçiardo. Vetëm Botasi heziton për gomat shumë të buta.
Riçiardo, përtej problemeve me njësitë e energjisë, apo gomat e pasme, mban kryesimin dhe arrin kështu të marrë suksesin e tij të shtatë, që është në fakt i dyti sezonal.
Formula 1
Çmimit të Madh
i Montekarlos 2018
Rezultatet teknike të garës:
1) D. Rikiardo (Australi) Red Bull 1h42’54”807
2) S. Fetel (Gjermani) Ferrari + 7”336
3) L. Hemilton (Britani e Madhe) Mercedes + 17”013
4) K. Raikonen (Finlandë) Ferrari + 18”127
5) V. Botas (Finlandë) Mercedes + 18”822
6) E. Okon (Francë) Forca India + 23”667
7) P. Gasli (Francë) Toro Roso + 24”331
8) N. Hulkenberg (Gjermani) Reno + 24”839
9) M. Verstapen (Holandë) Red Bull + 25”317
10) K. Sainz Junior (Spanjë) Reno + 1’09”012
11) M. Erikson (Suedi) Sauber + 1’09”864
12) S. Perez (Meksikë) Forca India + 1’10”461
13) K. Magnusen (Danimarkë) Haas + 1’14”823
14) S. Vandorn (Belgjikë) MekLaren 1 xhiro
15) R. Groszhon (Francë) Has 1 xhiro
16) S. Sirotkin (Rusi) Uilliams 1 xhiro
Renditja e përgjithshme e pilotëve:
1) L. Hamilton (Britani e Madhe) Mercedes 110 pikë
2) S. Fetel (Gjermani) Ferrari 96 pikë
3) D. Riçiardo (Australi) Red Bull 72 pikë
4) V. Botas (Finlandë) Mercedes 68 pikë
5) K. Raikonen (Finlandë) Ferrari 60 pikë
6) M. Verstapen (Holandë) Red Bull 35 pikë
7) F. Alonso (Spanjë) MekLaren 32 pikë
8) N. Hulkenberg (Gjermani) Reno 26 pikë
9) K. Sainz Junior (Spanjë) Reno 20 pikë
10) K. Magnusen (Danimarkë) Has 19 pikë
11) P. Gasli (Francë) Toro Roso 18 pikë
12) S. Perez (Meksikë) Forca India 17 pikë
13) K. Leklerk (Monako) Sauber 9 pikë
14) E. Okon (Francë) Forca India 9 pikë
15) B. Hartlej (Zelanda e Re) Toro Roso 9 pikë
16) S. Vandorn (Belgjikë) MekLaren 8 pikë
17) L. Stroll (Kanada) Uilliams 4 pikë
18) M. Erikson (Suedi) Sauber 2 pikë
Renditja e përgjithshme e konstruktorëve:
1) Mercedes 178 pikë
2) Ferrari 156 pikë
3) Red Bull 107 pikë
4) Reno 46 pikë
5) MekLaren 40 pikë
6) Forca India 26 pikë
7) Haas 19 pikë
8) Toro Roso 19 pikë
9) Sauber 11 pikë
10) Uilliams 4 pikë
