ASNN – Pas asaj të UEFA-s, Kombëtarja e Shqipërisë vazhdon ngjitjen e saj edhe në renditjen e FIFA-s.
Në përditësimin e renditjes botërore për muajin prill, skuadra kuqezi ka fituar katër pozicione, duke u renditur në vendin e 57-të.
Ky përmirësim vjen pas fitores 2-1 në ndeshjen e fundit kundër Armenisë, në kuadër të eliminatoreve të Euro 2016.
Suksesi i rëndësishëm i ka dhënë përfaqësueses shqiptare 18 pikë, ndërsa sa i përket kundërshtarëve në grupin eliminator ajo le pas vetëm Armeninë.
Renditja e përgjithshme e FIFA-s, vazhdon të kryesohet nga Gjermania, e ndjekur nga Argjentina dhe Belgjika që është ngjitur në vendin e tretë.
