Të shtunën në poligonin e klubit shumësportësh “Studenti”, që mban emrin e një legjende të sportit si Rexhep Rama, është zhvilluar Kampionati Kombëtar i Qitjes me Ajër.

Matja elektronikisht e pikëve, por dhe ardhja e Arben Kuçanës nga Gjermania, apo dhe Manjola Konini dhe Gresia Balli nga Italia i ka dhënë një tjetër pamje kësaj veprimtarie, që është ndër më të rëndësishmit e veprimtarive kombëtare.

Në këtë veprimtari kanë marrë pjesë 6 ekipe, të cilat ishin Teuta, Studenti, Tirana, Flamurtari, Elbasani dhe Tomori. Përgjithësisht garat janë dominuar nga qitësit e Teutës, Studentit dhe Elbasanit.

Për Sekretarin e Përgjithshëm të Federatës Shqiptare të Qitjes, Koço Mikerezi, rezultatet janë konkurruese, ndonëse qitës të veçantë nuk kanë treguar formën e tyre më të mirë.

Megjithatë qitja shqiptare e ka zhvilluar dhe kampionatin kombëtar të qitjes me ajër, ndërsa tashmë bëhet fjalë për atë me zjarr.

Kampionati Kombëtar

i Qitjes me Ajër – 2016

Rezultatet teknike:

Pistoletë – Meshkuj

1) Arben Kuçana (Teuta)                573 pikë

2) Agim Ramo (Flamurtari)             566 pikë

3) Fatjon Hoxha (Tirana)                555 pikë

Pistoletë – Femra

1) Manjola Konini (Studenti)          376 pikë

2) Aida Mustafaj (Studenti)                        370 pikë

3) Edlira Shyti (Studenti)                366 pikë

Pushka – Meshkuj

1) Olsi Avllazagaj (Elbasani)          539 pikë

2) Arbër Tervolli (Studenti)             526 pikë

3) Rajter Shima (Tirana)                 525 pikë

Pushkë – Femra

1) Lumturi Pepa (Studenti)             382 pikë

2) Anila Sevo (Studenti)                 369 pikë

3) Dhurata Doku (Studenti)                       368 pikë