ASNN – Në lidhje me derbin, Drejtoria Vendore e Policisë Tiranë ka njoftuar për bllokimin e disa akseve rrugore dhe masat e marra. Kështu, në stadium, tifozët nuk do te lejohen të futen me bidona uji, çakmakë, monedha, çelësa metalikë dhe sende te tjera te forta.
Duke filluar nga ora 12:00 deri në përfundim të ndeshjes do të bllokohen rrugët “Dervish Hima”,”Faik Konica”, “Papa Gjon Pali II” dhe rruga “Lekë Dukagjini” në segmentin hyrës të Sheshit Italia. Gjithashtu ,do të ketë kufizime dhe bllokime nga ora 15:00 deri në orën 17:30 në një numër rrugës që kanë lidhje me zonën rreth e rrotull Stadiumit.
Policia ka kërkuar mirekuptimin dhe bashkepunimin e bizneseve qe operojnë ne kete zone per mbylljen e te gjitha lokaleve përreth Stadiumit Kombëtar “Qemal Stafa”. Po kështu, nuk do lejohen femije nen moshen 14 vjeç te pa shoqëruar nga prindërit.
Pas përfundimit të ndeshjes tifozët përkatës do të largohen nga rrugët që kanë ardhur. Policia ka falënderuar drejtuesit e ekipeve dhe tifozeritë përkatëse për bashkëpunimin dhe mirëkuptimin e gjetur për mbarëvajtjen e kësaj veprimtarie sportive.
