ASNN – Mesfushori pogradecar, Ildjan Shyti, shprehet se do të jetë tepër e vështirë për cilindo kundërshtar që kërkon të ndalë skuadrën liqenore. “Kam bindjen që tani nuk mund të na ndalë më askush, pas këtyre dy fitoreve të ardhura njëra pas tjetrës, suksese të cila na kanë rritur së tepërmi besimin dhe për më tepër na kanë afruar edhe më shumë me kreun”, – ka thënë ai.

Janë dhe shumë takime për t’u luajtur, por mesfushori pogradecar shpreh bindjen që ekipi i tij do të triumfojë në të gjitha takimet që do të luhet duke mos diskutuar asnjë kundërshtar. “E di që do të jetë shumë e vështirë, – vazhdon më tej Shyti, – por duke parë dhe ndeshjen e fundit të zhvilluar përballë Butrintit, nëse do të luajmë ashtu, nuk ka kundërshtar që të na ndalë”.