ASNN – Pogradeci vijon të këmbëngulë që nga Berati, atje ku të shtunën do të luajë ndeshjen e parë të fazës së tretë, nuk do të kthehet duarbosh.

Ildi Shyti do të pohonte se Pogradeci ka të drejtën e hakmarrjes në kushtet kur beratasit i kanë marrë gjashtë pikë skuadrës liqenore në dy fazat e para.

“Të jeni të sigurt se nuk do të kthehemi duarbosh nga Berati, – ka deklaruar ai. – Kemi të gjitha mundësitë që të fitojmë, ashtu sikurse kemi bërë një javë më parë ndaj Dinamos në kryeqytet.”

“Ndaj shpresojmë dhe besojmë se nuk kthehemi duarbosh nga Berati”, – ka përfunduar futbollisti i Pogradecit, Ildi Shyti.