ASNN – Me ndeshjet e fundit në grupe, të luajtura të mërkurën në mbrëmje, veprimtaria më prestigjioze e klubeve të kontinentit, Liga e Kampioneve, ka përcaktuar edhe 16 skuadrat që vijojnë më tej në turin me eliminim të drejtpërdrejtë.
Kështu, si kryesuese të grupeve, shkojnë në vazon e parë të shortit të së hënës, Atlétiko e Madridit, Realit të Madridit, Monako, Borusia e Dortmundit, Bajerni i Mynihut, Barcelona, Çellsi dhe Porto.
Ndërkohë, në vazon e dytë janë 8 skuadrat që u renditën të dytat në fazën e grupeve e më konkretisht Juventusi, Bazeli, Bajer Leverkuseni, Arsenali, Mançester Siti, Paris SG-ja, Shalke 04-tra dhe Shahtjori i Donjeckut.
Shorti i turit të 16-shes hidhet të hënën në mesditë dhe ndeshjet e para luhen më 17-18 dhe 24-25 shkurt 2015, ndërsa ato të kthimit më 10-11 dhe 17-18 mars 2015. Shorti i çerekfinaleve hidhet më 20 mars 2015, ndërsa ai gjysmëfinaleve më 24 prill 2015.
