Kampionati i Ballkanik i moshave deri në 15 dhe 18 vjeç, që është duke u zhvilluar në Tivat të Malit të Zi, dje ka mbyllur ndeshjet ekipore. Kombëtarja e para të rejave, që është drejtuar nga Musa Tërniqi, edhe pse e ka pasur shansin për medalje nuk ka mundur ta arrijë atë. Sepse në gjysmëfinale është mundur nga Rumania e më pas për vendet 3-4 nga Serbia, me të njëjtin rezultat 0-3. E megjithatë edhe ky pozicion është sukses, ashtu siç vendi i 5-të i të rinjve.
Në gjysmëfinale për vendet 5-8 kanë mundur Malin e Zi 3-2. E ka nisur me fitore Tosuni, i cili ka fituar 3-2 përballë Jankoviç (7-11, 11-8, 12-10, 8-11, 11-5). Por ka humbur Gabeshi ndaj Islamoviçit 1-3 (3-11, 11-9, 14-16, 8-11). E të njëjtën gjë ka pësuar dhe Fuga ndaj Taljanoviçit, teksa është mundur 0-3 (5-11, 10-12, 8-11). Mirëpo menjëherë është kthyer tek suksesi Gabeshi, që ka fituar 3-1 ndaj Jankoviçit (11-7, 10-12, 11-8, 12-10).
Dhe suksesin e ka vulosur Tosuni ndaj Islamoviçit 3-2 (9-11, 11-8, 13-11, 8-11, 12-10). Në finalen për vendet 5-6 tanët kanë fituar 3-2 përballë Kosovës. Kështu Tosuni ka mundur Beqirin 3-2 (9-11, 11-13, 11-9, 14-12, 11-8). Por të njëjtën gjë ka bërë dhe Gabeshi, po 3-2 ndaj Ylli Dragidellës (11-4, 9-11, 11-9, 13-15, 11-8). Mirëpo atëherë kur pritej një fitore 3-0, ka ndodhur e kundërta dhe Fuga është mundur nga Petrit Dragidella 0-3 (9-11, 2-11, 9-11).
E si për ironi të fatit po me të njëjtin rezultat ka ardhur dhe humbja e Gabeshit ndaj Beqirit (4-11, 3-11, 6-11). Megjithatë suksesin e ka vulosur përsëri Tosuni, që ka mundur 3-0 Ylli Dragidellën (13-11, 13-11, 11-9). Dhe vendi i 5-të mes tetë ekipeve ishte sukses.
