Pasi ka dështuar në tre tentativat e tij në stilin e shkëputje, atje ku nuk ka ngritur dot dy herë 153 kg dhe më pas 154 kg, është tërhequr nga shtytja, ndërsa kështu nuk është klasifikuar në dygarësh. Parë kështu është tërhequr nga konkurrimi i tij në stilin e shtytjes, sepse edhe po të merrte medalje do të ishte thjesht individuale, por që nuk do të ngrinte peshë në atë që kishte si qëllim peshëngritja shqiptare.
Më pak fjalë, “kiameti i zi” për peshëngritjen shqiptare. Aq më tepër konkurrimi i sotëm i Shores në Baterinë B të peshës deri në 85 kg dhe nesër i Karinës dhe Sulës po në Baterinë B të peshës 94 kg janë thjesht pikë që nuk do të realizojnë qëllimin final të shtangës kuqezi.
Sepse që Shqipëria të ishte e sigurt me sportistë të kualifikuar në peshëngritje për në Lojërat Olimpike “Rio de Zhaneiro 2016” duhet të ishte ndër 7 vendet e para në renditje për meshkuj dhe ndër 6 të parat për femrat. Presidenti Gjoza pat deklaruar në fillimin e vitit se Calja me vendin e 6-të në Botërorin e Amerikës dhe Qerimaj me vendin e 10-të po në këtë veprimtarijanë të sigurt për në Olimpiadë.
Por Evropiani tregoi anën e kundërt për të dy këta peshëngritës prej të cilëve të gjithë prisnin medalje. I kontaktuar nga “Sport Ekspres”, Sekretari i Përgjithshëm i Federatës Shqiptare të Peshëngritjes, Agron Haxhihyseni, nuk ka pasur mundësi të japi arsye për këtë dështim, që i ka ardhur rëndë të gjithë drejtuesve të peshëngritjes shqiptare.
