ASNN – Sipas informacionit që ka përcjellë Agron Haxhihyseni nga Shtetet e Bashkuara të Amerikës, në Kongresin Botëror ka pasur shumë fjalime që lidhen me luftën kundër dopingut. Madje është kërkuar kujdes në plotësimin e sistemit “Adams”.

Agjencia Botërore e Antidopingut ka paralajmëruar se do të ketë masa drastike, ndërsa ekipi për mosparaqitje të sportistit në kontrollin antidoping do të gjobitet me 10.000 dollarë dhe do të dënohet një vit mospjesëmarrje në aktivitetet ndërkombëtare.

Tashmë është gjithçka gati për këtë Botëror. Kampionati Botëror i Peshëngritjes për të rritur, ashtu sikurse të gjitha aktivitetet e rëndësishme të sportit botëror, do të jetë në trasmetim direkt në rrjetin e Radio-Televizionit Shqiptar.

Edhe pse oraret janë të papërshtatshme, sepse garat e tanëve bien në orët e para të mëngjesit të ditëve 1, 2 dhe 3 dhjetor, gjithsesi peshëngritja nuk do të mungojë. Parë dhe mungesën e shumë shteteve, të cilat janë të penalizuar për shkak të rasteve të dopingut, atëherë Shqipëria e peshëngritjes shpreson për medalje.

Dhe konkurrimi zyrtar nis të premten në mëngjes me Evangjeli Velin, pesha 58 kilogram.

Programi i konkurrimit të peshëngritësve kuqezi:

Evangjeli Veli                       Pesha 58 kg  1 dhjetor                     05:00-07:00

Briken Calja                          Pesha 69 kg  2 dhjetor                     05:00-07:00

Erkand Qerimaj                    Pesha 77 kg  2 dhjetor                     21:00-23:00

Romela Begaj                       Pesha 69 kg  3 dhjetor                     00:30-02:30

Krenar Shoraj                       Pesha 85 kg  3 dhjetor                     03:00-05:00