ASNN – Me ndeshjet e kthimit është mbyllur sot turi i 32-shes së Kupës së Shqipërisë, që ka përcaktuar edhe 16 skuadrat që do të vijojnë më tej betejën për trofeun e dytë të futbollit në vend. Kronika na njeh me rezultatet dhe kalendarin e turit të ardhshëm, atij të 16-shes.

Kështu, veprimtaria e dytë e futbollit në vend, Kupa e Shqipërisë, ka luajtur të martën dhe të mërkurën ndeshjet e kthimit të turit të 32-shes, në përfundim të të cilave janë përcaktuar edhe 16 skuadrat që do të vijojnë më tej betejën për këtë trofe, që këtë sezon ka edicionin e saj të 67-të i saj.

Duhet theksuar se ky short ka shmangur në këtë fazë përballjen me njëra-tjetrën të 10 ekipeve të Kategorisë Superiore. Në grupin A, spikatën fitoret e thella, 4-0, që  Skënderbeu dhe Partizani, por edhe ajo 3-1 që Besëlidhja arriti në Shijak ndaj Erzenit vendas.

Këtyre 3 skuadrave u janë bashkuar në turin tjetër edhe Luftëtari, Kamza, Vllaznia, Kastrioti dhe supriza Egnatia, që eliminoi Dinamon 15 herë fituese të Kupës së Shqipërisë. E njëjta tablo ka qenë edhe në grupin B, ku Laçi ka fituar thellë ndaj Naftëtarit, me 9 gola të shënuar në 49 minutat e para.

Ndërsa Kukësi dhe Bylisi korrën fitore 4-1, përkatësisht ndaj Orikut dhe Tomorit, Teuta mposhti 4-2 Turbinën e Cërrikut, ndërsa Tirana fitoi 4-0 ndaj Ilirisë së Fushë-Krujës. Vendin në turin tjetër e siguruan edhe Flamurtari, Lushnja dhe Apolonia. Ndërkohë, Kupa e Shqipërisë rikthehet vitin që vjen, me turin tjetër, atë të 16-shes.

Ky tur i luan ndeshjet më datë 23 janar 2019  dhe  6 shkurt 2019. Në këtë tur, në kuadër të Grupit A, do të luhen duelet Besëlidhja-Skënderbeu, Egnatia-Luftëtari, Kastrioti-Partizani dhe Kamza-Vllaznia. Ndërkaq, në kuadër të Grupit B, do të përballen çiftet Apolonia-Kukësi, Bylisi-Laçi, Tirana-Flamurtari dhe Lushnja-Teuta.

Kupa e Shqipërisë 2018-2019

(Edicioni i 67-të)

Turi i 32-shes

(Datë 12.09.2018 dhe  26.09.2018)

Grupi A  

Skënderbeu – Veleçiku Koplik      4-0      (3-0)

Luftëtari – Vora                                  1-0      (3-0)

Partizani – Tërbuni Pukë                4-0      (1-0)

Kamza – Besa                                   2-2      (2-0)

Vllaznia – Burreli                              1-0      (1-1)

Kastrioti – Korabi                              1-0      (1-1)

Egnatia – Dinamo                             0-0      (1-0)

Erzeni – Besëlidhja                          1-3      (0-2)

Grupi B

Kukësi – Oriku                                   4-1      (2-1)

Laçi – Naftëtari                                  9-0      (5-0)

Flamurtari – Shkumbini                   1-0      (1-0)

Teuta – Turbina e Cërrikut              4-2      (3-0)

Lushnja – Shënkolli                         2-2      (2-1)

Tirana – Iliria Fushë-Krujë              4-0      (4-1)

Bylis – Tomori                                    4-1      (2-1)

Apolonia – Pogradeci                      3-2      (1-0)

Turi i 16-shes:

(Datë 23.01.2019  dhe  06.02.2019)

Ekipet e kualifikuara në fazën e dytë eliminatore,

do të luajnë ndeshjet me sistem vajtje-ardhje

sipas skemës së mëposhtme:

Grupi A         

Besëlidhja – Skënderbeu    (C1)

Egnatia – Luftëtari                (C2)

Kastrioti – Partizani              (C3)

Kamza – Vllaznia                  (C4)

Grupi B

Apolonia – Kukësi                (T1)

Bylis – Laçi                             (T2)

Tirana – Flamurtari               (T3)

Lushnja – Teuta                    (T4)