ASNN – Ikona braziliane, Pele, e pranon se Lionel Mesi dhe Kristiano Ronaldo janë lojtarët më të mirë të brezit të tyre, por ka theksuar se ai ishte më i mirë se të dy.
Yjet e Barcelonës dhe Real Madridit kanë dominuar në botën e futbollit, duke fituar çmimin “Topi i Artë” për tetë vjet me radhë, mirëpo legjenda braziliane ka thënë se kjo dyshe nuk mund të krahasohet me të.
“Më falni për mungesën e modestisë, por unë kurrë nuk kam parë lojtarë më të mirë siç ishte Pele në vitin 1970”, – ka thënë Pele.
“Për mendimin tim, çdo lojtar ka periudhën e tij, tani për tani, Leo dhe Ronaldo janë më të mirët”, – ka përfunduar legjenda e futbollit brazilian dhe botëror.
