ASNN – Federata Shqiptare e Basketbollit ka finalizuar edhe kalendarin e javës së parë të të dy niveleve të Kategorisë së Parë të Kampionati Kombëtar të Basketbollit për Femra, që njihen përkatësisht si grupi A, që i luan ndeshjet e javës së parë këtë fundjave, dhe grupi B, që i luan ndeshjet e javës së parë fundjavën e ardhshme.

Gjithçka tek femrat do të nisë me sfidën e parë, atë të orës 11:00 të paradrekes së 6 tetorit 2018 në Vlorë, midis Flamurtarit dhe Elbasanit. Dy takimet e tjera luhen një ditë më pas, më 7 tetor 2018 dhe, në             Pallatin e Sportit “Qazim Dervishi” të Shkodrës, luhet, duke nisur nga ora 16:00, përballja Vllaznia-Studenti.

Ndërkaq, duke nisur nga ora 17:00 luhet derbi disi i çuditshëm i kryeqytetit, midis dy ekipeve Tirana, që teknikisht do të njihen si “Shoqata Klubi i Basketbollit Tirana Femra”, e drejtuar nga trajneri Erdal Borova dhe  “Shoqata e Basketbollit Tirana Femra”, e drejtuar nga Roland Avrami.

Ndërsa grupi B, ku ishte përfolur fillimisht (dhe mbetet për t’u parë nëse do të konkretizohet) mundësia e një bojkoti në shenjë proteste për formulën disi kontradiktore që zgjodhi Federata Shqiptare e Basketbollit për përcaktuar skuadrën e 6-të të grupit A, supozohet t’i luajë më 13 tetor takimet e javës së parë.

Në kryeqytet, Partizani  do të presë Kamza Basketin në ndeshjen që nis në ora 12:00, e që do të luhet në Pallatin e Sportit “Asllan Rusi” në Tiranë, ndërsa një orë më pas, në Pallatin e Sportit “Flamurtari” të Vlorës, Apolonia do të përballet si “vendase” me  Skënderbeun.

Kampionati Kombëtar

i Basketbollit – Femra

Kategoria e Parë

Grupi A

Java e parë:

6 tetor 2018: 

Flamurtari – Elbasani                                   (11:00)

Pallati i Sportit “Flamurtari”, Vlorë

7 tetor 2018: 

Vllaznia – Studenti                                       (16:00)

Pallati i Sportit “Qazim Dervishi”, Shkodër

SH.K.B. Tirana F. – SH.B. Tirana F.          (17:00)

Pallati i Sportit “Asllan Rusi”, Tiranë

Kategoria e Parë

Grupi B

Java e parë:

13 tetor 2018:     

Partizani – Kamza Basket                           (12:00)

Pallati i Sportit “Asllan Rusi”, Tiranë

Apolonia – Skënderbeu                              (13:00)

Pallati i Sportit “Flamurtari”, Vlorë