Pas dy vjetësh mungesë, që nga koha e pjesëmarrjes në Eliminatoret e Kampionatit Evropian të 2014-ës, teksa kuqezinjtë kanë qenë në një grup me Ukrainën, Hungarinë dhe Moldavinë, kombëtarja e femrave thirret përsëri në “zbor”.

Të paktën edhe sipas njoftimit që ka bërë Federata Shqiptare e Volejbollit përmes sekretarit të përgjithshëm Leonard Tase, më 25 shkurt në ora 16:00, në Pallatin e Sportit “Asllan Rusi”, kombëtarja e femrave do të ketë stërvitje njëditore.

Klubet e Barleti Volej, Tiranës, Teutës, Skënderbeut, Partizanit dhe Vllaznisë janë njoftuar dje në mënyrë që lojtaret e tyre të thirrura në këtë zbor të jetë në stërvitje me kuqezinjtë.

Lista e lojtareve të seleksionuara, të cilat do të marrin pjesë në këtë zbor njëditor, është hartuar nga trajneri Hasan Gurabardhi dhe ndihmësi i tij Altin Martiro. Para disa kohësh kombëtarja e meshkujve, e drejtuar nga Ylli Tomori e ndihmesat e tij Elton Tukseferi dhe Klodian Kasa, ka bërë dy stërvitje të tilla.

Tashmë është radha e femrave, që më 25 shkurt në ora 16:00 do të jenë në një stërvitje njëditore në Pallatin e Sportit “Asllan Rusi”.

Lista e ekipit kombëtar të volejbollit femra

Organizatore

Fabiola Harxhi (Barleti Volej)

Ana Gjelaj (Vllaznia)

Çezarina Xheka (Partizani)

Ornela Gashi (Teuta)

Albana Vokrri (Tirana)

Sulmuese 4

Enkelejda Braho (Barleti Volej)

Esmeralda Tuci (Barleti Volej)

Romina Matoshi (Tirana)

Sejda Smajlaj (Teuta)

Armela Gjermeni (Barleti Volej)

Sara Shehu (Partizani)

Lojtare Qendër 3

Klonarda Nezaj (Barleti Volej)

Sava Thaka (Tirana)

Klavia Petazi (Vllaznia)

Malvina Tuci (Partizani)

Elena Bego (Skënderbeu)

Sara Hasku (Barleti Volej)

Shqipe Molla (Vllaznia)

Diagonaliste 2

Erblira Bici (Barleti Volej)

Iva Xhixha (Partizani)

Kejsi Matraku (Tirana)

Paula Koçeku (Vllaznia)

Libero:

Eni Fagu (Barleti Volej)

Amarilda Llupo (Teuta)

Ester Agolli (Partizani)