ASNN – Java e 5-të e Superligës së Kampionatit Kombëtar të Basketbollit për Meshkuj është mbyllur të shtunën në mbrëmje me fitoren 96-74 që Partizani arriti në Pallatin e  Sportit “Qazim Dërvishi” në Shkodër ndaj Vllaznisë. Një ndeshje e dominuar nga kryeqytetasit, që jo vetëm rikthehen tek fitorja, por barazojnë me pikë në krye Teutën dhe Goga Basketin, tanimë me nga 9 pikë secila.

Në fakt, dy skuadra nga Durrësi po dominojnë basketbollin e meshkujve këtë sezon. Janë Teuta dhe Goga Basket, që kanë siguruar rezultate mjaft të mira në 5 javë kampionat të zhvilluara deri më tani në Superligën e Meshkujve. Pikërisht në kuadër të javës së pestë, të premten, Teuta mundi Tiranën me rezultatin e thellë 95-66, një diferencë prej 29 pikësh që nuk ka nevojë për koment.

Me këtë fitore Teuta merr kreun e renditjes me 9 pikë, falë dhe një pikavarazhi më të mirë se rivalja e saj nga Durrësi, Goga Basket. Kjo e fundit mundi në Bathore skuadrën e Kamza Basket me rezultatin 82-73. Ishte një ndeshje në ekuilibër në shumë momente dhe loja kishte emocione, por diferencën e bëjnë skuadrat që kanë kualitet dhe qëndrueshmëri dhe këto elementë i pati përcaktues pikërisht Goga Basket.

Ndërkohë, në Kategorinë e Parë në basketbollin e meshkujve, Invejdërs mori përkohësisht kreun e renditjes pasi mposhti Elbasanin 81-71. Një fitore në udhëtim arriti edhe Skënderbeu, që mposhti në Fier Apoloninë me rezultatin 82-73. Këtë të diel do të luhet ndeshja Eagles-Flamurtari, ku do të qartësohet dhe renditja në Kategorinë e Parë të basketbollit të meshkujve.

Kampionati Kombëtar

i Basketbollit – Meshkuj

Superliga

Java e 5-të:

Të premten:

Kamza Basket – Goga Basket        73-82

Teuta – Tirana                                   95-66

Të shtunën:

Vllaznia – Partizani                          74-96

Renditja

Nr.       Skuadra                     N.        F.         H.        Pikë

1. Teuta                          5          4          1          9
2. Goga Basket             5          4          1          9
3. Partizani                    5          4          1          9
4. Tirana                         5          2          3          7
5. Kamza Basket          5          1          4          6
6. Vllaznia                     5          0          5          5

Kampionati Kombëtar

i Basketbollit – Meshkuj

Kategoria e Parë

Java e 5-të

Të shtunën:

Apolonia – Skënderbeu 69-75

Elbasani – Invejdërs 71-81

Të dielën:

Tirana Eagles Basket – Flamurtari                        (18:00)

Salla Sportive “Fahrie Hoti”, Tiranë

Renditja

Nr.       Skuadra                                 N.        F.         H.        Pikë

1. Invejdërs                               5          4          1          9
2. Tirana Eagles Basket          5          4          0          8
3. Skënderbeu                          5          3          2          8
4. Flamurtari                              5          1          4          6
5. Elbasani                                5          1          4          6
6. Apolonia                                5          0          5          5