ASNN – Goli i Çinarit mposht Tiranën dhe i mban të kuqtë me hapin e Teutës, në ndjekje të Vllaznisë. Kategoria Superiore e Kampionatit Kombëtar të Futbollit ka mbyllur të enjten javën e saj të 15-të, me duelin midis Partizanit dhe Tiranës. Derbi i madh i kryeqytetit, që u luajtur në Stadiumin “Elbasan Arena”, është mbyllur me shifrat 1-1 në favor të të kuqve të trajnerit Ilir Daja. Partizani dhe Tirana janë përballur me njëra-tjetrën në takimin që mbylli javën e 15-të të Kategorisë Superiore e Kampionatit Kombëtar të Futbollit, të luajtur të enjten në mbrëmje.

Derbi i madh i kryeqytetit, i zhvendosur në Stadiumin “Elbasan Arena”, ka nisur më mirë për bardheblutë me Seferin që rrezikon menjëherë, ndërsa të kuqtë e kapërcejnë trysninë e fillimit nga Tirana dhe, me kalimin e minutave, do të rrezikojnë portën kundërshtare. Kështu ndodh në minutën e 18-të dhe të 19-të me Asanin dhe Melon. Në minutën e 36-të, Seferi bën gjithçka mirë përveçse ta përcjellë topin në rrjetë, ndërsa në krahun tjetër, Partizani pretendon për një 11-metërsh, por nuk mendon kështu gjyqtari kryesor, Enea Jorgji.

45-minutat e para mbyllen kështu me rrjeta të paprekura, ndërsa të dytat nisin luftarake, të dyja skuadrat që rrezikojnë në minutat e para. Ndërkaq, në minutën e 52-të, Partizani mbetet me 10 lojtarë, pasi Bardhi merr kartonin e dytë të verdhë dhe del nga loja me karton të kuq. Por pabarazia në forca zgjat vetëm 4 minuta, pasi shembullin e Bardhit e ndjek tek bardheblu Batha, që e lë Tiranën me 10 lojtarë. Barazpeshimi dhe zvogëlimi i forcave në fushën e blertë ka çuar në një breshëri ndërrimesh.

Trajnerët Dede dhe Daja kanë futur nga 3 lojtarë të freskët në fushën e blertë dhe është pikërisht njëri prej tyre, Çinari, i cili është rikthyer edhe pas një pezullimi disamujor nga FIFA, ai që do të thyejë qëndresën e Tiranës 7 minuta para fundit të kohës së rregullt dhe do të kalojë Partizanin në epërsi. Tirana do të përpiqet, por pa forcë, teksa të kuqtë e mbrojnë fitoren minimale që mban ata me të njëjtin hap me Teutën në ndjekje të Vllaznisë kryesuese. Ndërkaq, jashtë Stadiumit “Elbasan Arena” derbi ka vijuar me përballjet e tifozëve.

Kategoria Superiore

Java e 15-të

Të mërkurën, 20 janar 2021:

Kastrioti – Teuta                    0-1

Shënues: D. Bregu 72′

Bylis   – Vllaznia                   0-1

Shënues: A. Hoxhaj 90′

Laçi     – Skënderbeu            1-1

Shënues: K. Nuabueze 51’(11-m.) / J. Meksi 43′

Apolonia – Kukësi                1-3

Shënues: E. Smaçi 60’ / A. Ibraimi 15’(11-m.), E. Peposhi 76’, P. Eze 82’

Të mërkurën, 20 janar 2021:

Partizani – Tirana                 1-0

Shënues: Çinari 83

Renditja

Nr.       Skuadra         N.        F.         B.        H.        Gsh-Gp          Pikë

1. Vllaznia         15        11        2          2          24-9                35
2. Partizani        15          7        5          3          22-9                26
3. Teuta              15          6        8          1          15-6                26
4. Laçi                 15          5        6          4          20-14              21
5. Tirana             15          4        8          3          14-10              20
6. Kukësi            15          6        2          7          18-20              20
7. Kastrioti          15          4        5          6          15-20              17
8. Bylis               15          2        6          7          11-20              12
9. Apolonia        15          3        3          9          11-28              12
10. Skënderbeu 15          2        5          8          17-31              11