Partizani është bërë si “mace e zezë” për Kamza Basket, të cilën jo vetëm që e ka mundur për herë të dytë brenda këtij sezoni, por dje në Pallatin e Sportit “Asllan Rusi” ia ka marrë ndeshjen në sekondat e fundit. Madje atëherë kur basketbollistët e Kamza Basket, që e kanë pasur ndeshjen nën administrim gjatë gjithë kohës, e fiksuan që ndeshja ishte e tyre. Mirëpo nuk ka ndodhur kështu. Kamza Basket e ka nisur ndeshjen me koshin e Muhametaj. E më pas Daliu, Karaj, Shestani e Birçaj e çojnë këtë skuadër deri në 7-10.
Mirëpo të kuqtë shkunden dhe ngushtojnë diferencën e pikëve derisa në fund të pjesës së parë Kamza Basket është në avantazh të një pike, 16-15. Kështu në ekuilibër të plotë e ka fituar dhe të dytën, ndërsa në pushim ka shkuar në dhomat e zhveshjes me avantazhin 30-33. Gjatë kësaj pjese, trajneri i Kamza Basket, Adem Muhametaj, ka protestuar pranë gjyqtarëve për një kosh të Partizanit, sipas tij, jashtë 24-sekondëshit, ndërsa i ka rënë me shqelm dhe tavolinës së sekretarisë.
Kaq ka mjaftuar që ndërkombëtari Gentian Cici t’i jepte teknik trajnerit të Kamza Basket, Muhametaj, i cili është dukur sikur u qetësua. Por në pushim ai ka debatuar me vëzhguesin Jorgji Shundin, pjesëtarin e tavolinës Gëzim Hoxhën, si dhe mbajtësin e 24 sekondësish Minarolli. Debatet kanë kaluar thuajse në ofendime, gjithsesi pjesa e tretë ka nisur normalisht. Kamza Basket e ka nisur vrullshëm derisa është shkëputur me 12 pikë diferencë, 34-46.
Por Partizani nuk e humbet toruan. Hamati e Gozhdari shënojnë nga gjuajtjet e lira, kurse eksperienca e Sukajt, Ismetit e Biberajt, apo dhe të tjerëve e ndihmojnë Partizanin e Elvis Ismetit që të përmbysë. Gjuajtjet e lira të Gozhdarit dhe koshi i sekondave të fundit të Sukajt kanë fiksuar shifrat 62-61, ndërsa sulmi i fundit i Kamza Basket ka qenë i pavlefshëm. Partizani arrin kështu fitoren e katërt të sezonit, të dytën radhazi nga Kamza Basket.
Partizani – Kamza Basket 62-61
(15-16, 15-17, 14-19, 18-9)
Partizani: Divitaraj, Ismeti (13), Sukaj (18), Hamati (9), Çaçi (7) / Byberaj (11), Merkaj, Kristo, Gozhdari (4). Trajner: E. Ismeti
Kamza Basket: Muhametaj (2), Daliu (15), Karaj (18), Birçaj (4), Shestani (11) / Qehajaj (4), Gjoka (7), Ndreko, E. Gjoka. Trajner: A. Muhametaj
Gjyqtarë: G. Cici (Tiranë), M. Kasëmi (Vlorë), G. Basho (Shkodër)
Kampionati Kombëtar
i Basketbollit – Meshkuj
Java e 6-të
(19 nëntor 2014)
Apolonia – Vllaznia 45-108
Partizani – Kamza Basket 62-61
Flamurtari – Tirana 71-93
Renditja
Nr. Skuadra N. F. H. Psh-Pp Pikë
- Vllaznia 6 6 0 511-378 12
- Tirana 6 5 1 520-395 11
- Partizani 6 4 2 386-368 10
- Kamza Basket 6 2 4 389-378 8
- Flamurtari 6 1 5 392-477 7
- Apolonia 6 0 6 320-522 6
