ASNN – Niveli i dytë i Kampionatit Kombëtar të Basketbollit për Meshkuj, që njihet ndryshe si Kategoria e Parë, i ka luajtur dje të dyja ndeshjet e javës së tij të 12-të dhe si Partizani, ashtu edhe Tirana Eagles Basket, e kanë ruajtur duelin në distancë, duke i fituar takimin e radhës.

Partizani, kryesuesi i Kategorisë së Parë në basketboll për meshkuj, ka arritur një fitore më shumë se të lehtë dje në Pallatin e Sportit “Tamara Nikolla” të Korçës. Fitore, e cila nuk është vënë asnjëherë në dyshim nga ana e miqve të drejtuar nga trajnerët Agim Fagu dhe Elvis Ismeti.

Ndërkohë, Tirana Eagles Basket e ka nisur me fitore fazën e dytë të kampionatit të Kategorisë së Parë, teksa mbrëmë, në sallën kryesore të Pallatit të Sportit “Asllan Rusi”, ka mundur 76-54 Apoloninë. Tek fierakët mungesa e Naçit dhe vëllezërve Ajdhoni ishte e dukshme, dhe e kishte shumë të vështirë të përballonte ekipin e Klarent Dedajt.

Kampionati Kombëtar

i Basketbollit – Meshkuj

Kategoria e Parë

Java e 12-të

(11 shkurt 2017)

Tirana Eagles Basket – Apolonia 76-54

Skënderbeu – Partizani                  63-83

Elbasani                                            pushim

Renditja

Nr.       Skuadra                                 N.        F.         H.        Psh-Pp           Pikë

1. Partizani                                10        10        0          774-486         20
2. Tirana Eagles Basket            9          6        3          585-523         15
3. Apolonia                                10          4        6          583-724         14
4. Elbasani                                  9          3        6          546-661         12
5. Skënderbeu                          10          1        9          615-719         11