ASNN – Partizani nuk ka mundur të marrë tri pikët ndaj Kukësit, në ndeshjen e luajtur në Stadiumin Kombëtar “Qemal Stafa” në kryeqytet. Golit të realizuar për të kuqtë nga Raçiçi, i është përgjigjur Pejiçi dhe në fund nga një pikë për të dyja skuadrat. Skënderbeu ka fituar 1-0 me Apoloninë dhe ruan kreun e renditjes së kategorisë superiore. Në ndeshjet e tjera, fitojnë Tirana e Laçi, ndërsa Vllaznia-Flamurtari mbyllet në barazim 1-1.

Partizani-Kukësi, supersfida e javës së 31-të të Kategorisë Superiore është mbyllur kështu në barazim 1-1. Ndeshja e luajtur në “Qemal Stafa” ka patur ritëm dhe grintë nga ana e të dyja skuadrave. Në fillim kalon në epërsi Partizani, me anë të Raçiçit. Në pjesën e dytë është Pejiç që barazon shifrat në 1-1. Sulmuesi i Kukësit ka shënuar nga pika e bardhë.

Pas këtij rezultati Kukësi mbetet në vend të dytë me 63 pikë po aq sa Tirana që ka fituar 3-1 me Elbasanin në një sfidë që u transmetua drejtpërdrejt nga Rrjeti i Radio-Televizionit Shqiptar. Në ndeshjen e zhvilluar në Shkodër, Vllaznia-Flamurtari është mbyllur në barazim 1-1. Skënderbeu ka arritur të fitojë 1-0 me Apoloninë dhe ruan pozitat në krye të renditjes. Ndërsa sfida e luajtur të premten është mbyllur me fitoren e Laçit 1-0 ndaj Teutës.

Kategoria Superiore

Java e 31-të:

Të premten, 17 prill 2015:

Laçi – Teuta                          1-0

Shënues: Sheta 60’

Stadiumi i Laçit

Të shtunën, 18 prill 2015:

Elbasani – Tirana                1-3

Shënues: Jaupi 6’ / Hyshmeri 39’, Bushiç 79’, El. Bakaj 84’

Stadiumi “Elbasan Arena”, Elbasan

Vllaznia – Flamurtari           1-1

Shënues: Lika 60’/ Kruja 9’

Stadiumi “Loro Boriçi”, Shkodër

Partizani – Kukësi               1-1

Shënues: Raçiç 26’ / Pejiç 73’(11-m.)

Stadiumi Kombëtar “Qemal Stafa”, Tiranë

Skënderbeu – Apolonia     1-0

Shënues: Sefa 86’

Stadiumi “Skënderbeu”, Korçë

Renditja

Nr.       Skuadra         N.        F.         B.        H.        Gsh-Gp          Pikë

1. Skënderbeu 31        20        6          5        49-16              66
2. Kukësi 31        19        6          6        48-21              63
3. Tirana 31        19        6          6        42-21              63
4. Partizani 31        18        6          7        34-22              60
5. Laçi 31        16        9          6        37-16              57
6. Flamurtari 31        9        8          14        25-29              34
7. Vllaznia 31        11        4          16        26-34              34
8. Teuta 31        8        2          21        26-45              26
9. Apolonia 31        5        4          22        11-48              19

10.       Elbasani        31        4        1          26        16-62              13